fbpx

چیک ملنے پر غریب بائیکیا رائیڈر کا چہرہ کھلکلا اٹھا

غریب بائیکیا رائیڈر کا پی ٹی آئی کارکنان نے موٹر جلایا تو ایک مخیر نے نئے بائیک کیلئے چیک دے دیا.

اسلام آباد میں گزشتہ روز فیض آباد کے مقام پر تحریک انصاف کے کارکنان نے عمران خان کیخلاف قاتلانہ حملے کی مزمت کرتے ہوئے احتجاج ریکارڈ کرایا، لیکن اسی میں ایک نوجوان شہری کی بائیک نذر آتش کر دی گئی، جس کی ویڈیو سوشل میڈیا پر وائرل ہو گئی۔ مظاہرین میں سے کچھ مشتعل ہجوم نے اپنے احتجاج کیلئے اشتیاق حسین نامی نوجوان کی موٹر سائیکل تو جلا دی، لیکن وہ اس کا واحد ذریعہ معاش تھا، نوجوان کی روتے ہوئے ویڈیو نے سب کے دل دہلا دئیے۔


نوجوان کا کہنا تھا کہ 50، 60 لوگوں کے ہجوم نے اپنے احتجاج کیلئے ان کے بائیک کو نذر آتش کر دیا۔ نویں جماعت میں تعلیم حاصل کرنے والا نوجوان والد کی وفات کے بعد بائیک چلا کر گھر کا گزارہ چلا رہا تھا، اس پر 8 بہن بھائیوں کی ذمہ داری ہے۔ ویڈیو سوشل میڈیا پر وائرل ہوتے ہی ہر کوئی جو نوجوان کی مدد کرنے کیلئے آگے بڑھا۔
مزید یہ بھی پڑھیں؛ ٹوئٹر ملازمین کونکالنے سے امریکا کے وسط مدتی انتخابات پر بھی منفی اثرات پڑنے کا واضح خدشہ چین اور سعودیہ نے حکومت کو 13ارب ڈالر کے مالی پیکیج کی یقین دہانی کرادی
ایف آئی آرکے اندراج کیلئے تھانے میں موجود ہیں ، پولیس درخواست وصول ہی نہیں کر رہی،زبیر خان نیازی
اسی میں معروف شخصیت ہمیوین ٹیرین ایسوسی ایشن کے چیئرمین فیصل جمیل نے فوری رابطہ کرکے رات ہی کو متاثرہ نوجوان کو موٹر سائیکل کی رقم فراہم کر نے کیلے اسی وقت اس کے ہاتھ میں بانوے ہزار کا چیک تھما کر اس کے چہرے پر مسکراہٹ واپس لوٹا دی۔ جس پر شہری نے ان سمیت تمام لوگوں کو شکریہ ادا کیا جو اس کی مدد کو آگے بڑھے، مسلم لیگ ن کی نائب صدر مریم نواز نے بھی ٹوئٹر پر متاثرہ نوجوان کی مدد کیلئے اس کی معلومات دریافت کی۔