غازی یونیورسٹی شعبہ انگریزی میں انگلش لٹریری سوسائٹی کی تقریب منعقد ہوئی

ڈیرہ غازیخان،باغی ٹی وی (واجداکبرکی رپورٹ) غازی یونیورسٹی ڈیرہ غازیخان کے شعبہ انگریزی میں رجسٹرار ڈاکٹر اللہ بخش گلشن کی زیر صدارت انگلش لٹریری سوسائٹی کی اتقریب منعقد ہوئی جس میں پروفیسر ڈاکٹر ندیم اختر، پروفیسر ڈاکٹر سعد اللہ خان، ڈاکٹر راشدہ قاضی، ڈاکٹر عبدالغفار، ڈاکٹر صفدر بشیر، ڈاکٹر محمد سلیم، ڈاکٹر ثاقب بشیر، جناب محمد نعیم، ڈاکٹر عظمیٰ صادق، سوسائٹی کے طلباء عہدیداران بھی موجود تھے۔ انچارج وجیہہ مریم نے انگلش لِٹریری سوسائٹی کے اغراض و مقاصد بین کیے،کاشف علی نے ولیم شیکسپیئر کے مشہورِ زمانہ ڈرامہ ہیملٹ سے اقتباس پیش کیا، نثار احمد، عبدلقدوس اور سلیمان عزیز نے او ہینری کے مشہورِ زمانہ افسانہ ”بیس سال بعد” پر ایک ڈرامائی پرفارمنس دی۔ ڈاکٹر اللہ بخش گلشن نے کہا کہ انگلش لِٹریری سوسائٹی کے قیام سے ادبی و ثقافتی سرگرمیوں کو فروغ ملے گا . سربراہ شعبہ انگریزی ڈاکٹر محمد آصف ، منتظمین عنبرین کوکب، طلحہ بشیر، وجیہ مریم نے بھی اظہار خیال کیا جبکہ مہمانوںنے شعبہ کے سبزہ زار میں پودے بھی لگائے .

Comments are closed.