راولپنڈی: اڈیالہ جیل میں ہونے والی جی ایچ کیو حملہ کیس کی سماعت بغیر کسی کارروائی کے ملتوی کر دی گئی۔ یہ سماعت انسداد دہشت گردی کی عدالت (اے ٹی سی) کے جج امجد علی شاہ کے رخصت ہونے کی وجہ سے ملتوی کی گئی۔
جی ایچ کیو حملہ کیس کی سماعت اب 8 جنوری 2025 تک ملتوی کر دی گئی ہے۔ عدالت کے عملے کی جانب سے وکلاء کو سماعت ملتوی ہونے کی اطلاع دی گئی، جس کے بعد تمام متعلقہ افراد کو نیا شیڈول دے دیا گیا۔اس کیس میں پاکستان تحریک انصاف (پی ٹی آئی) کے بانی عمران خان سمیت 117 ملزمان پر فرد جرم عائد کی جا چکی ہے۔ ان افراد پر جی ایچ کیو پر حملے اور ملک کے دیگر اہم اداروں کے خلاف سازش کرنے کا الزام ہے۔
حالیہ دنوں میں ایک اور اہم پیش رفت سامنے آئی تھی جب ملٹری کورٹ نے 9 مئی کو ہونے والے فسادات میں ملوث ملزمان کو سزا سنائی تھی۔ 9 مئی 2023 کو پاکستان میں کئی اہم سرکاری عمارتوں بشمول جی ایچ کیو، پی ٹی وی اور دیگر حساس مقامات پر احتجاج اور حملے کیے گئے تھے۔ اب دیکھنا یہ ہے کہ جی ایچ کیو حملہ کیس میں آئندہ سماعت پر کون سی پیش رفت ہوتی ہے اور ملزمان کی سزا کے حوالے سے عدالت کیا فیصلہ کرتی ہے۔
خواب سے حقیقت تک کا سفر: گلگت، آزاد کشمیر میں سافٹ ویئر ٹیکنالوجی پارکس کا قیام
ہم جنس پرستی کا پرچار،چین میں مشہور خواجہ سرا ڈانسر جن ژنگ کے شو منسوخ
