غلام محی الدین کیمطابق بچوں کو کامیاب انسان اور مفید شہری بنانے کیلئے والدین کو کیا کرنا چاہیئے؟

0
120

1975ء میں ’ میرا نام ہے محبت‘ سے شہرت کی بلندیوں کو چھونے والے لالی ووڈ اداکار غلام محی الدین کا کہنا ہے کہ بچوں کو کامیاب انسان اور مفید شہری بنانے کے لئے والدین اپنے بچوں کے ساتھ دوستی کریں اور ان کے ساتھ ہر طرح کی باتیں شیئر کریں۔

باغی ٹی وی : پاکستان کے لیجنڈری اور سینئیر اداکار غلام محی الدین نے نجی ٹی وی چینل سے خصوصی گفتگو میں کہا کہ بچے موم کی طرح ہوتے ہیں جس طرح چاہیں گے ڈھل جائیں گے اس کے لئے یہ بات بھی قابل غور ہے کہ آپ کے گھر کا ماحول کیسا ہے، رشتہ داروں کے ساتھ برتاﺅ کیسا ہے اور آپ کا کن لوگوں کے ساتھ اٹھنا بیٹھنا ہے۔

اداکارکے مطابق سب سے اہم بات یہ کہ میاں بیوی کے آپس کے تعلقات کیسے ہیں؟ اگر میاں بیوی کے درمیان لڑائی جھگڑا ہوگا تو ظاہر سی بات ہے اس کا منفی اثر اولاد پر بھی پڑے گا۔

غلام محی الدین نے کہا کہ بچوں کو اچھا اور کامیاب انسان بنانے کے لیے ضروری ہے کہ آپ ان کے ساتھ دوستی کریں، ہر طرح کی باتیں ان کے ساتھ زیر بحث لائیں، اس طرح کی پریکٹس سے بچے کا ذہن کھل جاتا ہے اور وہ آپ پر اعتماد کرتے ہوئے ہر طرح کی باتیں شیئر کرتا ہے۔

69 سالہ غلام محی الدین نے کہا کہ میں خود بھی یہی کرتا ہوں، میری اپنے بچوں کے ساتھ بہت دوستی ہے ساتھ ہی غلام محی الدین نے کہا کہ ہمارے ہاں المیہ یہ بھی ہے کہ یہاں بچوں کو تعلیم صرف اچھی نوکری کے لیے دلائی جاتی ہے جبکہ تعلیم کے ساتھ تربیت کا ہونا بھی بہت ضروری ہے-

400 سے زائد فلموں می کام کرنے ولے اداکار غلام محی الدین کو 1975 میں ریلیز ہونے والی فلم ’ میرا نام ہے محبت‘ نے شہرت کی بلندیوں تک پہنچایا یہ فلم چائینہ اور پاکستان میں بلاک بسٹر ثابت ہوئی یہ فلم چینی لوک کہانی ہر مبنی تھی فلم بینوں نے اداکار کی جوڑی بابرہ شریف کے ساتھ پسند کی –

ان کی مشہور فلموں میں سوال 700 کروڑ کا ، جنگل کا قانون ، چنبیلی ،سن آف پاکستان و دیگر شامل ہیں -انڈسٹری میں گلو بھائی کے نام سے مشہور اداکار غلام محی الدین نے کئی نگار ایوراڈ اور لکس سٹائل ایوارڈ اپنے نام کئے-

Leave a reply