fbpx

گلگت بلتستان کی جنگ آزادی اپنی نوع میں ایک منفرد جدوجہد تھی بلاول بھٹو زرداری

پاکستان پیپلز پارٹی کے چیئرمین بلاول بھٹو زرداری نے 74ویں جشنِ یومِ آزادی گلگت بلتستان پر اہلِ گلگت بلتستان سمیت پوری قوم کو مبارکباد دی ہے،

باغی ٹی وی : بلاول بھٹو زرداری نے گلگت بلتستان کے شہداء اور غازیوں کو بھی سلام پیش کیا کہ جنہوں نے اپنے زورِ بازو پر ڈوگرا راج سے آزادی حاصل کی، میڈیا سیل بلاول ہاوَس کی جانب سے جاری بیان میں کہا کہ یکم نومبر 1947 کو گلگت بلتستان کے بہادر عوام نے ڈوگرا راج سے نجات حاصل کرکے پاکستان سے الحاق کیا اور آج اس عہدِ وفا کی تجدید کا دن ہے، جس کی بنیاد 73 سال قبل گلگت بلتستان کے بزرگوں نے الحاقِ پاکستان کی شکل میں رکھی تھی۔

عالمی قوتیں موسمیاتی تبدیلی کے لیے منظور شدہ فنڈز فراہم کریں طالبان رہنما

چیئرمین بلاول بھٹو زرداری نے کہا کہ گلگت بلتستان کی جنگ آزادی اپنی نوع میں ایک منفرد جدوجہد تھی جس میں عوام نے بھی حصہ لیا، انہوں نے کہا کہ پاکستان پیپلز پارٹی نے ہمیشہ گلگت بلتستان کی عوام کی بہبود و ترقی کے لئے اقدام اٹھائے ہیں۔

عمران خان کو غریب آدمی خصوصاً کرائے کے مکانات میں رہنے والوں کی بہت فکر ہے۔ فرخ حبیب

انہوں نے یہ بھی کہا کہ یہ وزیراعظم شہید ذوالفقار علی بھٹو تھے، جنہوں نے سب سے پہلے 1974 میں گلگت بلتستان میں اصلاحات کو متعارف کرایا جس کے نتیجے میں ایف سی آر اور راج شاہی کا خاتمہ کیا۔ یہ شہید محترمہ بینظیر بھٹو تھیں، جن کی حکومت نے 1994 میں گلگت بلتستان کو پہلا لیگل فریم ورک آرڈر دیا جبکہ صدر آصف علی زرداری نے 2009 میں گلگت بلتستان کو شناخت دی اور یہاں کی اسمبلی کو بااختیار بنایا۔

چیئرمین بلاول بھٹو زرداری نے اس موقع پر یہ بھی کہا کہ پاکستان پیپلز پارٹی گلگت بلتستان کے عوام کے حقوق کی حفاظت اور ترقی کی جدوجہد جاری رکھے گی۔

تین سال پہلے کئے وعدے 90 فیصد پورے کر دیئے ، معاون خصوصی علی نواز اعوان

Facebook Notice for EU! You need to login to view and post FB Comments!