گرفتاری کی صورت میں پارٹی کون چلائے گا،عمران خان کا بیان سامنے‌آ گیا

چیئرمین پاکستان تحریک انصاف عمران خان نے کہا ہے کہ میری گرفتاری یا قتل پر پورے پاکستان سے بہت سخت ردعمل آئے گا۔

باغی ٹی وی: غیر ملکی خبر ایجنسی کوانٹرویو میں عمران خان کا کہناتھاکہ میں نے ایک کمیٹی بنا دی ہے جو میرے جیل جانے کی صورت میں فیصلے کرے گی، میرے خلاف 94 مقدمات بنائے گئے ہیں لیکن میری گرفتاری کی کوئی وجہ نہیں ہے کیونکہ میرے پاس تمام مقدمات میں ضمانت موجود ہے۔

شبلی فراز کی طبیعت ناساز ،اسپتال منتقل

عمران خان کا کہنا تھا کہ میری جان کو پہلے سے بھی زیادہ خطرہ ہے، اپنی گرفتاری یا قتل کی صورت میں ہونے والے ردعمل کے بارے میں فکرمند ہوں، جو لوگ ایسا کرنے کی کوشش کر رہے ہیں وہ صورت حال کو نہیں سمجھ پا رہے۔

عمران خان کا کہنا تھا کہ اسٹیبلشمنٹ اس وقت مجھ سے خطرہ محسوس کر رہی ہے اور اصل مسئلہ یہی ہے، جو مجھے مارنے یا جیل میں ڈالنے کا سوچ رہے ہیں وہ یہ نہیں سمجھ پا رہے کہ پاکستان اس وقت کہاں کھڑا ہے، میری گرفتاری یا قتل پر پورے پاکستان سے بہت سخت ردعمل آئے گا ہماری 70، 75 سالہ تاریخ میں فوج کا کردار رہا ہے، اسے اب متوازن کرنا ہو گا کیونکہ سابقہ توازن اب قابل عمل نہیں رہا۔

انگلینڈ اور ویلز میں شادی کے لیے کم سے کم عمر 18 سال کر دی …

واضح رہے کہ چند روز قبل وائس چیئرمین پی ٹی آئی شاہ محمود قریشی نےمیڈیا سے گفتگو کرتے ہوئے بتایا تھا کہ عمران خان کی گرفتاری کی صورت میں پی ٹی آئی کی قیادت میں کروں گا جبکہ چند روز قبل ایک بیان میں عمران خان نےبھی کہا تھا کہ میری گرفتاری کی صورت میں پارٹی پلان تیار ہے۔

پاکستانی ائیرپورٹ سیکیورٹی انتہائی موثر بنانے کیلئے برطانیہ جدید اسکینیگ مشینیں فراہم کرے …