گلیڈی ایٹرز کی بیٹنگ ناکام، قلندرز کو فتح کیلئے 99رنز کا ہدف، فتح دستک دینے لگی

لاہور:گلیڈی ایٹرز کی بیٹنگ ناکام، قلندرز کو فتح کیلئے 99رنز کا ہدف، فتح لاہور کو دستک دینے لگی ،اطلاعات کے مطابق پاکستان سپر لیگ میں لاہور قلندرز کے خلاف دفاعی چیمپیئن کوئٹہ گلیڈی ایٹرز کی بیٹنگ لائن بری طرح ناکامی سے دوچار ہوئی انہوں نے قلندرز کو فتح کے لیے صرف 99رنز کا ہدف دیا ہے۔

Superb start from our Brand Ambassador. Shaheen Afridi sends Shane Watson back on a golden duck! 🦆#DamaDamMast #MainHoonQalandar #HBLPSL #DilSe #LQvQG https://t.co/leYymY2BPV

— Lahore Qalandars (@lahoreqalandars) March 7, 2020

لاہور کے قذافی اسٹیڈیم میں کھیلے جا رہے میچ میں لاہور قلندرز کے کپتان سہیل اختر نے ٹاس جیت کر پہلے گلیڈی ایٹرز کو بیٹنگ کی دعوت دی۔گلیڈی ایٹرز کی اننگز کا آغاز ہی تباہ کن انداز سے ہوا اور شین واٹسن پہلے ہی اوور میں بغیر کوئی رن بنائے شاہین شاہ آفریدی کی گیند پر پویلین لوٹ گئے۔اسکور 13 تک پہنچا ہی تھا کہ شاہین نے اپنی ٹیم کو ایک اور کامیابی دلاتے ہوئے احمد شہزاد کی اننگز کا خاتمہ کردیا۔

اس کے بعد سمیت پٹیل باؤلنگ نے دو ہی اوورز میں شاندار باؤلنگ سے میچ کا پانسہ پلٹ دیا۔سمیت نے پہلے سرفراز احمد کو آؤٹ کیا اور پھر اگلے اوور میں چند گیندوں کے فرق سے جیسن روئے، اعظم خان اور بین کٹنگ کو پویلین رخصت کر کے چار وکٹیں حاصل کر لیں۔سمیت پٹیل نے ناقابل یقین اسپیل کرتے ہوئے 4اوورز میں 5 رنز دے کر 4وکٹیں حاصل کیں۔

سہیل خان اور محمد نواز نے اس موقع پر سنبھل کر بیٹنگ کرتے ہوئے 29رنز کی شراکت قائم کر کے ٹیم کی نصف سنچری مکمل کرائی۔50 کے مجموعی اسکور پر محمد نواز 26گیندوں پر 10رنز بنانے کے بعد فرزان راجہ کو وکٹ دے بیٹھے فواد احمد بھی صرف 4رنز ہی بنا سکے۔سہیل خان نے 32رنز کی مزاحمتی اننگز کھیل کر اپنی ٹیم کو کسی حد تک بہتر مجموعے تک رسائی دلائی، وہ اننگز کے 19ویں اوور میں دلبر حسین کا نشانہ بنے۔

کوئٹہ گلیڈی ایٹرز نے مقررہ اوورز میں 9وکٹوں کے نقصان پر 98رنز بنائے۔اس سے قبل لاہور قلندرز کے کپتان سہیل اختر نے ٹاس جیت کر کہا کہ وکٹ میں نمی لگ رہی ہے، اسی لئے باؤلنگ کا فیصلہ کیا۔کوئٹہ گلیڈی ایترز کے کپتان سرفراز احمد نے کہا کہ ہمی ہر حال میں آج کا میچ جیتنا ہے اور اچھا کھیلنے کی کوشش کریں گے

سرفرازاحمد نے کہا کہ ہمارے لیے یہ اہم میچ ہے، میں چوتھے نمبر پر بیٹنگ کروں گا اور اسکور بورڈ پر رنز لگانے کی کوشش کریں گے۔گلیڈی ایٹرز نے اپنی ٹیم میں دو تبدیلیاں کرتے ہوئے نسیم شاہ اور ٹائمل ملز کی جگہ زاہد محمود اور فواد احمد کو ٹیم میں شامل کیا ہے۔

میچ کے لیے دونوں ٹیمیں ان کھلاڑیوں پر مشتمل ہیں۔

لاہور قلندرز: سہیل اختر(کپتان)، فخر زمان، ڈین ولاس، محمد حفیظ، بین ڈنک، سمیت پٹیل، ڈیوڈ ویزے، شاہین شاہ آفریدی، سلمان ارشاد، دلبر حسین اور راجا فرزان شامل ہیں‌

کوئٹہ گلیڈی ایٹرز: سرفراز احمد(کپتان)، شین واٹسن، جیسن روئے، احمد شہزاد، اعظم خان، بین کٹنگ، محمد نواز، سہیل خان، زاہد محمود، فواد احمد اور محمد حسنین شامل ہیں‌