گنگوبائی کاٹھیواڑی جس نے ریلیز سے اب تک کافی بزنس کیا ہے منفرد کہانی اور عالیہ بھٹ کی جاندار اداکاری نے شائقین کے دل جیت لئے ہیں ۔رپورٹس کے مطابق گنگوبائی کاٹھیواڑی نیٹ فلیکس پر ابھی تک کی سب سے زیادہ دیکھی جانے والی فلم ہے ۔ایک اندازے کے مطابق یہ فلم اب تک نیٹ فلیکس پر پچاس کروڑ گھنٹے سے زائد دیکھی جا چکی ہے۔گنگوبائی کاٹھیواڑی جس کو سنجے لیلا بھنسالی جیسے منجھے ہوئے ڈائریکٹر نے بنایا ہے اس کو لوگوں کی بڑی تعداد نے بھارت میں بھی دیکھا ۔کہا جا رہا ہے کہ اداکارہ عالیہ بھٹ کپور نے اس فلم میں اپنے کیرئیر کا یادگار ترین کردار و اداکاری کی ہے ۔فلم کو جینتی لال گڈا نے پروڈیوس کیا ہے۔
اس فلم کی کہانی کچھ یوں ہے کہ اس میں ایک نوجوان لڑکی گنگا کو اس کے بوائے فرینڈ نے فلمی کیریئر کے وعدے کے ساتھ دھوکہ دیا تھا جبکہ ممبئی میں لڑکی کے فلمی کیریئر کے خواب چکنا چور ہو جاتے ہیں اور وہ انڈر ورلڈ کی کی جانب راغب ہو جاتی ہے۔گنگوبائی کاٹھیواڑی 2022 کی بھارتی ہندی زبان کی سوانح حیات پر مبنی ڈرامہ فلم ہے۔سنجے لیلا بھنسالی جب بھی کوئی فلم بناتے ہیں وہ پہلے سے بھی زیادہ سراہی جاتی ہے ان کے کام کا انداز اس قدر نیچرل ہے کہ ہر دوسرے فنکار کی خواہش ہے کہ ان کے ساتھ اسے کام کرنے کا موقع میسر آئے ۔سنجے لیلا بھنسالی نے عالیہ بھٹ سے پہلے ان کے شوہر کے رنبیر کپور کے ساتھ کام بھی کیا تھا۔
