کراچی :خدا را ایسا نہ کریں:چیئرمین سینیٹ صادق سنجرانی نے اپوزیشن کے حضوردرخواست پیش کردی،اطلاعات کے مطابق چیئرمین سینیٹ صادق سنجرانی نے اپوزیشن کے حضورایک درخواست کی ہے جس میں انہوں نے ایک مشورہ بھی دیا ہے
چئیرمین سینیٹ صادق سنجرانی اور ڈپٹی چئیرمین سینیٹ مرزا محمد آفریدی نےکراچی میں مزار قائد پر حاضری دی، فاتحہ خوانی کی اور مہمانوں کی کتاب میں اپنے تاثرات تحریر کیے۔
اس موقع پر میڈیا سے گفتگو میں چیئرمین سینیٹ صادق سنجرانی کا کہنا تھا کہ ملک کی بہتری کے لیے سینیٹ کے تمام اراکین کو ساتھ لے کر چلوں گا، ملک کی بہتری کے لیے سب کو ساتھ بٹھانے کی کوشش کریں گے، ہم نے ایگزیکٹو کو ہمیشہ کمیٹیز کے سامنے پیش کیا ہے۔
چیئرمین سینیٹ کا کہنا تھاکہ میں سمجھتا ہوں ایوان کی کارروائی کو عدالت میں نہ لے جایا جائے، ایوان کی کارروائی کسی جگہ چیلنج نہیں ہوسکتی۔اس سے وقت کا ضیا بھی ہوگا اورخواہ مخواہ فضا فضول بحث سے الودہ ہوجائے گی جس کا فائدہ کسی کونہیں
ان کا کہنا تھا کہ میرے حلف لےکر پیپلز پارٹی میں شامل ہونے کی بات غلط بیانی ہے، 2018 میں آصف زرداری نے مجھے چئیرمین سینیٹ کےلیے سپورٹ کیا، سیاست میں ایسا ہوتا رہتا ہے۔
صادق سنجرانی نے کہا کہ اگرآصف علی زرداری نے میری حمایت کی تھی توبلوچستان سے تعلق رکھنے والے سینیٹرز نے بھی اس کے بدلے میں مانڈی والا کو ووٹ دیا تھا
