fbpx

کامن ویلتھ گیمز میں گولڈ میڈیل جیتنے پر مسلح افواج، وزیراعظم کی ارشد ندیم کو مبارکباد

باغی ٹی وی کی رپورٹ کے مطابق کامن ویلتھ گیمز میں گولڈ میڈیل جیتنے کے بعد ارشد ندیم نے کہا ہے کہ اللہ کاشکر ادا کرتا ہوں، والدین اور پوری قوم کی دعاوں کی بدولت گولڈ میڈل جیتا،

ارشد ندیم کا مزید کہنا تھا کہ اللہ نے بہت عزت دی ہے،کامن ویلتھ گیمز میں نیا ریکارڈ بنایا ہے ،آگے اولمپکس گیمز شروع ہورہی ہیں پوری کوشش کروں گا کہ ملک کا نام روشن کروں .

کامن ویلتھ گیمز میں شاندار کارکردگی کا مظاہرہ کرنے پر مسلح افواج، وزیراعظم سمیت دیگر نے ارشد ندیم کو مبارکباد دی ہے ،ڈیج جی آئی ایس پی آر کے مطابق پاکستان کی مسلح افواج نے ارشد ندیم کو کامن ویلتھ گیمز میں شاندار کارکردگی کے مظاہرہ اور جیولین تھرو میں پاکستان کے لیے گولڈ میڈل جیتنے پر مبارکباد پیش کی ہے سماجی رابطے کی ویب سائٹ ٹویٹر پر ڈی جی آئی ایس پی آر نے ٹویٹ کرتے ہوئے ارشد ندیم کی غیر معمولی کارکردگی کو زبردست سراہتے ہوئے کہا کہ ارشد ندیم نے پاکستان کا سر فخر سے بلند کیا ہے۔ پاکستان زندہ باد

ڈی جی آئی ایس پی آر کے مطابق چیف آف آرمی سٹاف جنرل قمر جاوید باجوہ نے ارشد ندیم کی جانب سے کامن ویلتھ گیمز میں جیولن تھرو میں تاریخ رقم کرنے پر مبارکباد پیش کرتے ہوئے کہا ہے کہ وہ قوم کا فخر اور ہمارے قومی ہیرو ہیں

وزیر اعظم شہباز شریف نے کامن ویلتھ گیمز میں جیولن تھرو میں گولڈ میڈل حاصل کرنے پر ارشد ندیم کو مبارکباد دیتے ہوئے کہا ہے کہ انہوں نے پاکستان کے لئے قابل فخر کارنامہ سرانجام دیا ہے، وزیراعظم شہباز شریف کا کہنا تھا کہ آج صبح سویرے بیدار ہونے پر یہ شاندار خبر سننے کو ملی کہ ارشد ندیم نے کامن ویلتھ گیمز میں اپنا پہلا گولڈ میڈل حاصل کرکے قوم کے لئے قابل فخر کارنامہ سرانجام دیا ہے

پاکستان پیپلزپارٹی کے چیئرمین اور وزیر خارجہ بلاول بھٹو زرداری نے دولت مشترکہ کھیلوں میں طلائی تمغہ جیتنے پر ارشد ندیم کو مبارک باد دی ہے، اور کہا ہے کہ کامن ویلتھ گیمز میں نیزہ پھینکنے کے مقابلوں میں ارشد ندیم کا ریکارڈ پورے پاکستان کے لئے فخر کی بات ہے،انجری کے باوجود ہمت نہ ہارتے ہوئے سونے کا تمغہ جیت کر ارشد ندیم نے اسپورٹس مین اسپرٹ کا بھی بے مثال مظاہرہ کیا، نصف صدی سے زائد عرصے بعد دولت مشترکہ کھیلوں کے ٹریک اینڈ فیلڈ مقابلوں میں پاکستان کو گولڈ میڈل ملنا ایک بڑی کامیابی ہے، ارشد ندیم اور نوح دستگیر جیسے جوان پاکستان کے ہیرو ہیں،

سینیٹر سلیم مانڈوی والا کا کہنا ہے کہ ارشد ندیم نے جویلین تھرو میں گولڈ میڈل جیت کر پاکستان کا نام روشن کیا،گولڈ میڈل جیتنے پرارشد ندیم اور پوری قوم کو مبارکباد پیش کرتےہیں، ارشد ندیم نے گولڈ میڈل جیت کر قوم کا سرفخرسےبلند کردیا ہے، ہم سب کو ارشد ندیم پر فخر ہے ارشد ندیم نے جیت کے لئے کوشش مسلسل جاری رکھی اورکامیاب ہوئے، ارشد ندیم کو تمام سہولیات فراہم کرنے کو یقینی بنایا جائے،

کامن ویلتھ گیمز میں پاکستان کے ارشد ندیم نے جویلین تھرو (نیزہ بازی) میں گولڈ میڈل جیتا ہے، پاکستانی ایتھلیٹ نے اپنی پانچویں باری میں 90.18 میٹر کی ریکارڈ تھرو کی