fbpx

گورنر بلوچستان کی وزیراعظم عمران خان سے ملاقات

وزیراعظم عمران خان سے گورنر بلوچستان سید ظہور آغا نے ملاقات کی-

باغی ٹی وی : تفصیلات کے مطابق اس موقع پر ڈپٹی اسپیکر قومی اسمبلی قاسم خان سوری بھی موجود تھے. ملاقات کے دوران صوبے کی مجموعی صورتحال، آزاد جموں و کشمیر کے انتخابات میں تحریک انصاف کی جیت سمیت باہمی دلچسپی کے امور پر تبادلہ خیال کیا گیا-

گورنر بلوچستان سید ظہور احمد آغا نے آزاد جموں و کشمیر کے انتخابات، خاص طور پر کوئٹہ سے کشمیری پناہ گزینوں کیلئے مخصوص نشستیں جیتنے پر وزیر اعظم پاکستان کو مبارکباد دی۔

وزیر اعظم عمران خان نے گورنر بلوچستان کو ہدایت کی کہ وہ بلوچستان کے تمام اضلاع کاباقاعدہ دورہ کریں تاکہ عوام کے مسائل کے پائیدار حل کے حوالے سے موثر اقدامات کو یقینی بنایا جا سکے-

بعد ازاں گورنر بلوچستان سید ظہور احمد آغا سے وفاقی وزیر اسد عمر اور وفاقی وزیر قانون فرخ نسیم نے بھی علیحدہ علیحدہ ملاقات کی –