ایسی سزا دیں گے کہ پاکستان کبھی سر نہیں اٹھا سکے گا، مقبوضہ کشمیر کا گورنر پاکستان کو دھمکیاں دینے لگا

مقبوضہ جموں کشمیر کے گورنر گورنر ستیہ پال ملک نے پاکستان کو دھمکی دیتے ہوئے کہا ہے کہ یہ دوماہ پہلےکا ہندوستان نہیں ہے،جموں و کشمیر سے بھارت کے تمام دشمنوں کا خاتمہ کردیا جائےگا،ستیہ پال ملک نے کہا کہ ، اس بارجموں وکشمیرمیں 15 اگست زیادہ جوش وخروش سےمنایا جائےگا۔انہوں نے کہا کہ پاکستانی وزیر خارجہ شاہ محمود قریشی کہتے ہیں کہ کشمیرہندوستان کا اٹوٹ حصہ نہیں ہے،پاکستانی وزیر خارجہ کو معلوم ہونا چاہئے کہ یہ دوماہ پہلےکا ہندوستان ہے،یہ تبدیل شدہ ہندوستان ہے

گورنر نے پاکستان کو دھمکی دیتے ہوئے کہا کہ اگروہ بارڈرپرکسی بھی طرح مہم جوئی کریں گے، توانہیں ایسی سزا ملےگی کہ وہ کبھی سرنہیں اٹھا پائیں گے،جودہشت گرد انہوں نےبھیج رکھے ہیں یا بھیجیں گےان سے بھی ہم بہت ہی سختی کے ساتھ پیش آنے والے ہیں، آرٹیکل 370 ختم کےبعد یہاں پردہشت گردوں کا اب کوئی مستقبل نہیں ہے۔گورنر جموں و کشمیر ستیہ پال ملک کا کہنا تھا کہ اُنہوں نے وادی کے دو سابق وزرائے اعلیٰ عمرعبداللہ اورمحبوبہ مفتی کوحراست میں رکھا ہے۔

جواب چھوڑیں

آپ کا ای میل ایڈریس شائع نہیں کیا جائے گا.