گورنر پنجابنے بطور چانسلر متعدد سمریوں کی منظوری دے دی ، اہم فیصلے کردیئے

لاہور : پنجاب میں‌تعلیمی حالت بہتر کرنے اور یونیورسٹیوں میں وائس چانسلرز کی تعیناتی کے حوالے سے گورنر پنجاب چوہدری محمد سرور نے بطور چانسلر متعدد سمریوں کی منظوری دے دی

گورنر پنجاب چوہدری محمد سرور نے یونیورسٹی آف گجرات کی سنڈیکیٹ کے لئے سمیرا الٰہی اور صفیہ جاوید چوہدری کی نامزدگی کی ، جبکہ پروفیسر ڈاکٹر شبر عتیق نمل انسٹیٹیوٹ میانوالی کے لئے ممبر بورڈ آف گورنرز مقرر کیا گیا

گورنر پنجاب کی صدارت میں ہونے والے اجلاس میں یونیورسٹی آف واہ ٹیکسلا میں B.Scکلاسز کے اجراء کی منظوری دے دی گئی، جبکہ فیکلٹی آف انجینئرنگ میں BSc سول اور کیمیکل انجینئرنگ کی کلاسز پڑھائی جاسکیں گی، فیکلٹی آف مینجمنٹ سائنسز کے زیر اہتمام BS اکاؤنٹنگ آف فنانس کے اجراء کی بھی منظوری

گورنرپنجاب نے کہا کہ یونورسٹیز میں التواء کا شکار معاملات ترجیحی بنیادوں پر حل کیے جارہے ہیں ، وائس چانسلرز سمیت تمام عہدوں پر تعیناتی کے لئے میرٹ کو ترجیح دی جائے گی۔تمام تعلیمی اداروں میں سیاست اور سفارش کلچر کا خاتمہ کر رہے ہیں