حکومت و اپوزیشن ایک ہوگئے، اسمبلی میں ملاقات میں کیا طے پایا؟

قومی اسمبلی کا حالیہ سیشن 24 مئی تک چلے گا، حکومت و اپوزیشن نے پارلیمانی دن پورے کرنے کے لئے اجلاس کو طویل کر دیا

باغی ٹی وی کی رپورٹ کے مطابق سپیکر قومی اسمبلی اسد قیصر کی زیر صدارت حکومت و اپوزیشن کے رہنمائوں کا اجلاس ہوا جس میں فیصلہ کیا گیا کہ قومی اسمبلی کا حالیہ سیشن 24 مئی تک چلے گا.اجلاس میں ایوان کے ماحول کو سازگار رکھنے سمیت ایوان میں قانون سازی کے لیے پیش کیے جانے والے اہم بلوں پربھی تبادلہ خیال کیا گیا.اجلاس میں حکومت کی جانب سے وزیرِ دفاع پرویز خٹک، وزیر برائے خارجہ امور شاہ محمود قریشی، وزیرِ برائے مذہبی امور نور الحق قادری، ڈپٹی سپیکر قومی اسمبلی قاسم خان سوری شریک ہوئے جبکہ اپوزیشن کی جانب سے اراکینِ قومی اسمبلی سید خورشید شاہ، راجہ پرویز اشرف، سید نوید قمر، خواجہ محمد آصف، رانا تنویر حسین، احسن اقبال اور محسن داوڑ سمیت دیگر اراکین شریک ہوئے.

جواب چھوڑیں

آپ کا ای میل ایڈریس شائع نہیں کیا جائے گا.