عوام پر مزید بوجھ ڈال دیا گیا ، وفاقی حکومت نے ایل پی جی مہنگی کر دی

0
68

اسلام آباد: مہنگائی ، مہنگائی اور پھر مہنگائی ہوگئی ، وفاقی حکومت کی طرف سے عوام پر ایل پی جی بم گرا دیا گیا،گھریلو اور کمرشل استعمال کے لیے ایل پی جی فی کلو گرام 1 روپے 70 پیسےمہنگی کردی گئی۔

ذرائع کے مطابق اوگرا نے ایل پی جی کی قیمت میں اضافے کا نوٹیفیکیشن جاری کر دیا ہے۔ نئے نوٹیفیکیشن کے مطابق ایل پی جی کی فی کلو گرام نئی قیمت 114 روپے 40 پیسے مقرر کی گئی ہے۔ ایل پی جی کا گھریلو سلنڈر 20 روپے مہنگا ہوگیاہے۔

دوسری طرف اوگرا نے ایل پی جی کے 11.8 کلو گرام سلنڈر کی نئی قیمت 1350 روپے مقرر کردی گئی ہے۔ ایل پی جی کی نئی قیمتوں کا اطلاق اگست کے مہینے کے لیے ہو گا۔

دوسری طرف یکم اگست 2019 سے پٹرول اور ڈیزل لگ بھگ پانچ روپے جبکہ لائٹ ڈیزل 9 روپے فی لٹر مہنگا ہونے کا امکان ہے۔

اوگرا کی طرف سے ارسال کی گئی پٹرولیم مصنوعات کی قیمتوں میں اضافے کی سمری پٹرولیم ڈویژن کوموصول ہوگئی ہے جس میں یکم اگست 2019 سے ہائی اسپیڈ ڈیزل کی فی لٹر قیمت میں پانچ روپے پینسٹھ پیسے فی لٹر اضافے کی سفارش کی ہے۔

Leave a reply