نہ توحکومت کمزورہے اورنہ ہی اتحادی چھوڑرہے ہیں ، حکومت وقت پورا کرے گی ، جہانگیرترین کا دبنگ اعلان

0
31

ساہیوال :نہ توحکومت کمزورہے اورنہ ہی اتحادی چھوڑرہے ہیں ، حکومت وقت پورا کرے گی ، جہانگیرترین کا دبنگ اعلان ،اطلاعات کےمطابق پاکستان تحریک انصاف کے رہنما جہانگیر ترین نے کہا کہ کمزور حکومت کا شورو واویلا صرف میڈیا کی حد تک ہے، پی ٹی آئی حکومت کو اتحادیوں سے کوئی خطرہ نہیں ، حکومت پانچ سال پورے کرے گی۔

تفصیلات کے مطابق ساہیوال میں وزیراعظم قومی پروگرام اصلاح کھالہ جات کی افتتاحی تقریب کے موقع پر جہانگیر ترین نے میڈیا سے گفتکو کرتے ہوئے کہا کہ ق لیگ سمیت ہمارےاتحادیوں سے معاملات طے ہو گئے ہیں، پی ٹی آئی حکومت کو اتحادیوں سےکوئی خطرہ نہیں۔جہانگیر ترین کا کہنا تھا کہ پنجاب میں ہماری حکومت مضبوط ہے اور حکومت پانچ سال پورے کرے گی، کمزور حکومت کا شورو واویلا صرف میڈیا کی حد تک ہے، میڈیا والے شام کو چینلوں پر بیٹھ کر حکومت جانے کی بات کرتے ہیں۔

پاکستان تحریک انصاف کے رہنما جہانگیرخان ترین نے کہا کہ اتحادیوں کے ساتھ ہماری بات طے ہوگئی اگلے ہفتے ناراض اتحادی کابینہ میں واپس آجائیں گے۔پی ٹی آئی رہنما کا کہنا تھا کہ ملک میں مہنگائی پچھلی حکومت کی وجہ سے ہوئی ہے، سابقہ حکومت نے مصنوعی طور پر ڈالر،گیس اور بجلی کے ریٹس کو روکے رکھا۔انھوں نے مزید کہا کہ نواز شریف ملک میں واپس نہیں آئیں گے، ملکی نظام کی بہتری کیلئےلوکل باڈیز الیکشن 2020 میں ہی ہوں گے، ایک سوال کے جواب میں جہانگیر ترین کا کہنا تھا کہ گنے کی قیمت بڑھنے سے چینی کی قیمت بڑھی ہے۔

Leave a reply