fbpx

کورونا ویکسینیشن نہ کرانیوالوں کی موبائل سم بلاک کرنےکی تجویز:حکومت نے سخت ایکشن لے لیا

لاہور: کورونا ویکسینیشن نہ کرانیوالوں کی موبائل سم بلاک کرنےکی تجویز:حکومت نے سخت ایکشن لے لیا ،اطلاعات کے مطابق پنجاب حکومت نے لازمی ویکسی نیشن کے سلسلہ میں پابندیوں سے متعلق تجاویز تیار کر لی ہیں۔ حفاظتی ٹیکے نہ لگانے والوں کا شاپنگ مالز، ریسٹورنٹس، پارکس، سرکاری دفاتر میں داخلہ بند کرنے اور موبائل سم کارڈ بلاک کرنے کی تجویز بھی زیر غور ہے۔

یہ تجاویز صوبائی وزیر صحت ڈاکٹر یاسمین راشد کی زیر صدارت سول سیکرٹریٹ میں کورونا کی صورتحال کا جائزہ لینے کیلئے اعلیٰ سطح کے اجلاس کے دوران پیش کی گئیں۔

اجلاس میں چیف سیکرٹری پنجاب، ایڈیشنل چیف سیکرٹری، ڈی جی پی آر، محکمہ صحت کے سیکرٹریز اور اعلیٰ سول اور عسکری قیادت نے شرکت کی۔

اجلاس کے دوران کورونا کے پھیلاؤ کو روکنے، ویکیسنیشن سینٹرز کی تعداد کو بڑھانے، سرکاری ہسپتالوں میں طبی سہولیات میں اضافہ ودیگر اقدامات کا جائزہ لیا گیا۔

سیکرٹریز صحت سارہ اسلم اور بیرسٹر نبیل اعوان نے وزیر صحت اور چیف سیکرٹری کو صوبہ بھر میں کورونا کے تدارک کیلئے اٹھائے گئے اقدامات کی تفصیلات سے آگاہ کیا۔

اس موقع پر اپنے خطاب میں صوبائی وزیر صحت ڈاکٹر یاسمین راشد کا کہنا تھا کہ لوگوں کی صحت اور زندگیوں کا تحفظ حکومت کی اولین ترجیح ہے۔ کورونا سے چھٹکارٓ ویکسی نیشن کے ذریعے ہی ممکن ہے۔

ڈاکٹر یاسمین راشد نے کہا کہ کورونا پر قابو پانے کیلئے ہر ممکن اقدامات کئے جائیں گے۔ این سی او سی کی گائیڈ لائنز کے مطابق صوبہ بھر میں ویکیس نیشن کے ہدف کو ہر صورت پورا کیا جائے گا۔

اس موقع پر چیف سیکرٹری پنجاب نے بریفنگ دیتے ہوئے کہا کہ آبادی کے لحاظ سے ہر ضلع کیلئے روزانہ ویکسی نیشن کا ہدف مقرر کر دیا گیا ہے۔ ویکسی نیشن کے اہداف کے حوالہ سے کوتاہی برداشت نہیں کی جائے گی۔

چیف سیکرٹری پنجاب نے کہا کہ ویکسی نیشن سے متعلق اضلاع کی کارکردگی کا باقاعدگی سے جائزہ لیا جائے گا۔ اہداف پورا نہ کرنے والے اضلاع کے افسران سے باز پرس ہوگی۔

جواب چھوڑیں

آپ کا ای میل ایڈریس شائع نہیں کیا جائے گا.