سیالکوٹ (بیوروچیف شاہد ریاض) وزیر اعلیٰ پنجاب مریم نواز شریف کی خصوصی ہدایت پر پارلیمانی سیکرٹری سوشل ویلفیئر و بیت المال پنجاب چوہدری ارشد جاوید وڑائچ اور ڈپٹی کمشنر سیالکوٹ محمد ذوالقرنین لنگڑیال کے حکم پر سی ای او ہیلتھ اتھارٹی سیالکوٹ ڈاکٹر محمد اسلم چوہدری نے جی آر ڈی گھوئنیکی کا اچانک دورہ کیا۔
پاکستان مسلم لیگ (ن) کے سینئر رہنما محمد ارسلان خان اور ڈیوٹی پر موجود عملے نے انہیں ہسپتال کا دورہ کروایا۔ سی ای او ہیلتھ نے اپنی مدد آپ کے تحت جاری کاموں اور صفائی ستھرائی کی مجموعی صورتحال پر اطمینان کا اظہار کیا۔
ڈاکٹر محمد اسلم چوہدری نے یقین دہانی کرائی کہ ہسپتال کو وزیر اعلیٰ پنجاب کے وژن کے مطابق مریضوں کے لیے مفت ڈلیوری، مفت ادویات کی سو فیصد فراہمی اور دیگر سہولیات کے لیے تمام وسائل بروئے کار لائے جائیں گے۔
انہوں نے پارلیمانی سیکرٹری چوہدری ارشد جاوید وڑائچ اور محمد ارسلان خان کا شکریہ ادا کیا جنہوں نے اپنی مدد آپ کے تحت اہلیان علاقہ کی معاونت سے جی آر ڈی گھوئنیکی کو اپ گریڈ کرنے میں بھرپور کردار ادا کیا۔
