فضائی سفر کرنے والے پاکستانیوں کے لیےبڑی خوش خبری

اسلام آباد : فضائی سفر کرنے والے پاکستانیوں کے لیے خوش خبری ،پاکستان میں 3نئی نجی ایئر لائنز اڑان بھرنے کے لیے تیار ، سول ایو ایشن اتھارٹی کا گرین سگنل مل گیا،نئی ایئر لائنوں میںکیوایئرلائن، جیٹ گرین اور فلائی جناح نے ریگولر پبلک ٹرانسپورٹ لائسنس کیلئے سی اے اے کودرخواست دی تھی جو منظوری کے آخری مراحل میں ہیںتفصیلات کے مطابق اندرون ملک سفر کرنے والے مسافروں کےلئے اچھی خبر آگئی ، 3نئی نجی ایئر لائن نے آپریشن شروع کرنےکی تیاری کرلی ، نئی ایئر لائنز کی ریگولرپبلک ٹرانسپورٹ لائسنس کیلئے درخواست دے دی ہے ، نئی ایئر لائنز میں کیوایئرلائن، فلائی جناح اور جیٹ گرین شامل ہیں۔سول ایوی ایشن کا کہنا ہے کہ کیوا ئیر اور فلائی جناح کی اسکروٹنی مکمل کرلی گئی جبکہ جیٹ گرین نامی ایئرلائن کی اسکروٹنی جاری ہے ، سی اے اے نے دونوں ایئرلائنز کے کیسز ایوی ایشن ڈویژن کوبھجوادیئے ہیں۔سی اے اےذرائع نے کہا ہے کہ کابینہ کی منظوری سے دونوں ایئرلائنز کو لائسنس جاری کیا جائے گا جبکہ تیسری ایئرلائن کی اسکروٹنی مکمل ہونے کے بعد معاملہ ایوی ایشن کو بھیجا جائے گا۔سی اے اے قوانین کے مطابق نئی ایئرلائن 3 طیاروں سے 1 سالہ مدت تک پروازیں آپریٹ کرتی ہے ، ایک سالہ کامیاب مدت کے بعد بیرون ملک پروازوں کی اجازت دی جاتی ہے۔