fbpx

گراسری سٹورز، بیکریز کے اوقات کار رات دس بجے تک بڑھائے جائیں: لاہور چیمبر

لاہو:گراسری سٹورز، بیکریز کے اوقات کار رات دس بجے تک بڑھائے جائیں: لاہور چیمبر ،اطلاعات کے مطابق لاہور چیمبر آف کامرس اینڈ انڈسٹری کے صدر میاں طارق مصباح ، سینئر نائب صدر ناصر حمید خان اور نائب صدر طاہر منظور چودھری نے حکومت پر زور دیا ہے کہ گراسری سٹورز، بیکریز اور کنفیکشنریز کو رات کم از کم دس بجے تک کام کرنے کی اجازت دی جائے کیونکہ یہ اہم کاروبار براہ راست عوام سے جڑے ہوئے ہیں، ان کے اوقات کار میں اضافے سے عوام کو بہت بڑا ریلیف ملے گا۔

ایک بیان میں لاہور چیمبر آف کامرس اینڈ انڈسٹری کے عہدیداروں نے کہا کہ کرونا کی وجہ سے پیداشدہ صورتحال اور محدود اوقات کار کی وجہ سے کاروباری شعبے میں پریشانی عروج پر ہے ۔ انہوں نے کہا کہ گراسی سٹورز، بیکریز اور کنفیکشنریز کے اوقات کار میں اضافے سے اس شعبہ سے وابستہ تاجروں پر مالی دباﺅ کچھ کم ہوگا اور عوام کو بھی بہت بڑا ریلیف ملے گا لہذا انہیں سٹینڈرڈ آپریٹنگ پراسیجرز کے ساتھ کام کرنے کے لیے اضافی اوقات کار دئیے جائیں۔

انہوں نے کہا کہ کاروباری برادری معیشت کی ریڑھ کی ہڈی ہے جو حکومت کو محاصل اور لوگوں کو روزگار دے رہی ہے۔ انہوں نے کہا کہ کاروباری اوقات کار میں اضافہ بہت مستحسن فیصلہ ہوگا اور کاروباری برادری کو مالی مشکلات سے نمٹنے میں مدد دے گا۔ انہوں نے عوام پر بھی کہ وہ کرونا کا پھیلاﺅ روکنے کے لیے حفاظتی اقدامات پر پوری طرح عمل کریں ۔

جواب چھوڑیں

آپ کا ای میل ایڈریس شائع نہیں کیا جائے گا.