گوجرہ: معمولی تلخ کلامی پر نوجوان قتل، ملزم فرار

گوجرہ ،باغی ٹی وی(نامہ نگار ، عبد الرحمن جٹ): تھانہ صدر گوجرہ کے نواحی گاؤں چک نمبر 303 ج ب میں معمولی تلخ کلامی کے نتیجے میں نوجوان کو قتل کر دیا گیا۔

واقعے کی تفصیلات ابتدائی معلومات کے مطابق چند روز قبل عبد الرحمن سکنہ 303 ج ب اور سعد علی سکنہ 303 ج ب کے درمیان تلخ کلامی ہوئی تھی۔ اسی رنجش کی بنا پر عبد الرحمن چمیہ نے سعد علی پر گولی چلا دی۔ واقعہ اس وقت پیش آیا جب سعد علی اپنے گھر کے باہر کھڑا تھا۔

گولی لگنے سے سعد علی شدید زخمی ہو گیا، جسے فوری طور پر گورنمنٹ آئی کام جنرل ہسپتال گوجرہ منتقل کیا گیا، لیکن وہ زخموں کی تاب نہ لاتے ہوئے جاں بحق ہو گیا۔

قتل کے بعد ملزم عبد الرحمن موقع سے فرار ہو گیا۔ مقامی پولیس نے مقدمہ درج کرکے ملزم کی تلاش شروع کر دی ہے۔ مزید تحقیقات جاری ہیں۔