گوجرانوالہ (باغی ٹی وی،نامہ نگار محمد رمضان نوشاہی) تھانہ لدھیوالہ وڑائچ پولیس نے کارروائی کرتے ہوئے بدنام زمانہ منشیات فروش فیاض احمد کو گرفتار کر کے اس کے قبضے سے 1 کلو 260 گرام ہیروئن برآمد کر لی ہے۔ گرفتار ملزم نے دوران تفتیش اعتراف کیا کہ وہ دوسرے اضلاع سے منشیات لا کر ضلع بھر میں نوجوانوں کو بیچتا تھا۔
اس اہم کامیابی پر سماجی و سیاسی تنظیموں اور علاقے کے مکینوں نے پولیس کو خراج تحسین پیش کیا۔ سٹی پولیس آفیسر محمد ایاز سلیم نے کہا ہے کہ نوجوان نسل کے محفوظ مستقبل کے لیے منشیات فروشوں اور ناجائز اسلحہ رکھنے والوں کے خلاف کارروائیاں سخت کی جائیں گی۔
ایس پی سٹی شاہد رشید کی ہدایت پر ایس ایچ او تھانہ لدھیوالہ وڑائچ سب انسپکٹر حسن ورک اور ان کی ٹیم نے دن رات محنت سے یہ کارکردگی دکھائی، جس پر انہیں سی پی او نے بھی شاباش دی ہے۔
