گوجرانوالہ: ڈسٹرکٹ کوآرڈینیشن کمیٹی برائے پاپولیشن ویلفیئر کا ماہانہ اجلاس ڈپٹی کمشنر کی زیرصدارت منعقد ہوا

گوجرانوالہ ،باغی ٹی وی س (نامہ نگار محمد رمضان نوشاہی) ڈسٹرکٹ کوآرڈینیشن کمیٹی برائے پاپولیشن ویلفیئر کا ماہانہ اجلاس ڈپٹی کمشنر محمد طارق قریشی کی زیر صدارت کمیٹی روم میں منعقد ہوا ۔ ڈسٹرکٹ پاپولیشن ویلفیئر آفیسر عدنان اشرف نے ڈسٹرکٹ پاپولیش ویلفیئر آفس کی مایانہ کارکردگی اور سرگرمیوں کے بارے میں بریفنگ دی۔

انہوں نے بتایا کہ پچھلے تین ماہ میں TCI گرین سٹار اور پالولیشن ڈیپارٹمنٹ کے باہمی اشتراک سے 96موبائل سروس یونٹس اور 195 سیٹیلائٹ کیمپس کا انعقاد کیا گیا۔ جس میں 5787 جنرل کلائنٹس اور 7601فیملی پلاننگ کلائنٹس کو سہولیات فراہم کی گئیں۔

انہوں نے مزید بتایا کہ دنیاپھر میں 11 جولائی کو ورلڈ پاپولیشن ڈے منایا جا رہا ہے۔ اس سلسلہ میں حکومت پنجاب کی ہدایت کے مطابق صوبہ بھر میں 8 تا 13 جولائی تک ہفتہ فیملی پلاننگ کی تقریبات کا انعقاد کیا جا رہا ہے۔

اس سلسلہ میں فری میڈیکل کیمپس ، واکس،سیمینار، آگاہی سیشنز ، فیملی ہیلتھ ڈے ،صحت مند بچوں کے مقابلوں کے ساتھ ساتھ
جمعۃ المبارک کے موقع پر علمائے کرام کے آگاہی پیغامات بھی جاری کئے جائیں گے۔

ڈپٹی کمشنر محمد طارق قریشی نے پاپولیشن ویلفیر ڈیپا رٹمنٹ کی کارکردگی پر اطمینان کا اظہار کرتے ہوئے کہا اصل میں تمام مسائل کی جڑ ہے ہنگم آبادی ہے۔ انہوں نے کہا کہ ضلعی انتظامیہ پاپولیشن ویلفئر ڈیپارٹمنٹ کی تمام سرگرمیوں کی نہ صرف سرپرستی کرے گی بلکہ مکمل معاونت بھی فراہم کرے گی۔

انہوں نے مزید کہا کہ ہفتہ فیملی پلاننگ 8 تا 11جولائی کوبھرپور طریقہ سے منایا جائے اور اس میں تمام سٹیک ہولڈرز با الخصوص علمائے کرام0کی شرکت کو یقینی بنایا جائے۔

انہوں نے ڈسٹرکٹ پاپولیشن ویلفیئر آفیسر عدنان اشرف کوہدایت کی کہ سکول ٹیچرز کو بڑھتی ہوئی آبادی اور اس سے پیدا ہونے والے مسائل کے بارے میں آگاہی کیلئے خصوصی سیشنز کا اہتمام کیا جائے تاکہ وہ نوجوان نسل میں شعور پیدا کریں۔

انہوں نے علمائے کرام پر زور دیا کہ لوگوں میں بڑھتی ہوئی آبادی اور اس سے پیدا ہونے والے معاشی و معاشرتی اور صحت کے مسائل کے متعلق لوگوں کو آگاہ کریں۔

اس موقع پر ایڈیشنل ڈپٹی کمشنر جنرل شیر حسین بٹ،شیخ الطاف ڈی اوایجو کیشن، ڈاکٹر عدیلہ لیاقت ،منور حسین دینی ڈائریکٹر تعلقات عامہ ،سجاد حسین نیر،ڈاکٹر عمارہ ناصر TCI، گرین سٹار, ڈاکٹر عمیر,ڈاکٹر سروش شبیر ، مولانا اکبر نقشبندی ، پیراشرف شاکراور علامہ یوسف کھوکھر نے بھی شرکت کی اور پاپولیشن ویلفیر ڈیپارٹمنٹ کاساتھ دینے کا یقین دلایا .

Leave a reply