گذشتہ دو ہفتوں کے دوران کتنے کشمیری گرفتار ہوئے ، اے ایف پی نے بتا دیا

فرانسیسی خبر رساں ایجنسی اے ایف پی نے بھی مقبوضہ کشمیر کی تازہ ترین صورتحال پر اپنی ایک رپورٹ میں بتایا کہ گذشتہ دو ہفتوں کے دوران کم ازکم چار ہزار کشمیریوں کو گرفتار کیا گیا۔
کینڈا سے بھی کشمیریوں کے لیے اچھی خبر آگئی
اے ایف پی سے گفتگو کرتے ہوئے ایک مجسٹریٹ نے تصدیق کی کہ گزشتہ دو ہفتوں کے دوران پبلک سیفٹی ایکٹ کے تحت کم از کم چار ہزارافراد کو گرفتار کیا گیا ۔مجسٹریٹ کے مطابق ”ان میں سے بیشتر کو کشمیر سے باہر بھیج دیا گیا تھا کیونکہ یہاں کی جیلوں میں قیدیوں کی گنجائش ختم ہوگئی تھی۔اے ایف پی نے پولیس اور فورسز کے جوانوں اور سری نگر میں متعدد سرکاری عہدیداروں سے بات چیت کی ، جنہوں نے بڑے پیمانے پر گرفتاریوں کی تصدیق کر دی۔

ایک پولیس اہلکار نے نام نہ ظاہر کرنے کی شرط پر بتایا ،”سری نگر میں حراست میں لیے جانے کے بعد تقریباً 6000 افراد کا طبی معائنہ کیا گیا“۔ انہوں نے مزید کہا ، ”انہیں پہلے سری نگر کی سنٹرل جیل بھیجا گیا اور بعد میں وہ یہاں سے فوجی جہازوں سے بھیج دیے گئے“

اے ایف پی کے مطابق سری نگر میں مظاہرے کے دوران آٹھ کشمیری زخمی ہو گئے۔ بھارتی حکام نے مظاہروں سے بچنے کے لیے کشمیر میں بہت زیادہ پابندیاں لگا رکھی ہیں۔ گذشتہ دو ہفتوں سے موبائل اور فون سروس بھی بند ہے۔

جواب چھوڑیں

آپ کا ای میل ایڈریس شائع نہیں کیا جائے گا.