گزشتہ ماہ موٹر سائیکل چوری ہونے کی 4054 واردتیں رپورٹ ہوئیں

کراچی : گزشتہ ماہ فروری میں ڈاکووں نے10 شہریوں کی جان لی جبکہ موٹر سائیکل چوری ہونے کی 4054 واردتیں رپورٹ ہوئیں-

باغی ٹی وی : ذرائع سی پی ایل سی کے مطابق کراچی میں گزشتہ ماہ فروری اسٹریٹ کرائم کی ساڑھے 6 ہزارسے زائد واردتیں رپورٹ ہوئیں ،فروری میں ڈاکووں نے شہریوں سے2 ہزار 255 موبائل فون چھین لیے،اسلحہ کے زور پر 326موٹر سائیکلز چھینی گئیں-

پیپلز پارٹی کا کراچی میں جیالا میئر لانے کا خواب کبھی پورا نہیں ہوگا،حافظ نعیم

رپورٹ کے مطابق فروری میں کار چوری کی 163 وارداتیں رپورٹ ہوئیں،اسلحہ کے زور پر 15 شہریوں کو کاروں سے محرم کردیا گیا-

دوسری جانب کلاکوٹ، بغدادی اور عزیز بھٹی پولیس نے مبینہ مقابلوں کے بعد 5 زخمی سمیت 6 ڈاکوؤں کو گرفتار کر کے ملزمان سے اسلحہ، مسروقہ موٹر سائیکل سمیت دیگر سامان برآمد کر لیا جبکہ گرفتار ملزمان کے 2 ساتھی موقع سے فرار ہونے میں کامیاب ہوگئے۔

تفصیلات کے مطابق کلاکوٹ پولیس نے ہفتہ اور اتوار کی درمیانی شب تقریبا پونے دو بجے فیکٹری ایریا سے مبینہ مقابلے کے بعد ایک ملزم کو زخمی حالت میں گرفتار کر لیا، زخمی حالت میں گرفتار ملزم کو چھیپا ایمبولینس کے ذریعے سول اسپتال منتقل کیا گیا۔

بولان میں بلوچستان کانسٹیبلری وین کے قریب دھماکا، 9 اہلکار شہید

ترجمان کراچی پولیس کے مطابق زخمی حالت میں گرفتار ملزم کی شناخت 53 سالہ عبد الرحیم بلوچ عرف پی آئی اے ولد خان محمد بلوچ کے نام سے کی گئی، گرفتار ملزم سے ایک پستول بمعہ ایمونیشن، موبائل فونز، نقدی اور ایک چوری شدہ موٹرسائیکل برآمد کرلی، گرفتار ملزم لیاری گینگ وار کے سرغنہ عزیر بلوچ گروپ کا اہم کمانڈر ہے گرفتار ملزم نے کچھ عرصہ قبل پولیس پارٹی پر حملہ کر کے پولیس افسر کو زخمی بھی کیا تھا۔

بغدادی پولیس نے اتوار اور پیر کی درمیانی شب تقریباً پونے 3 بجے لیاری پھول پتی لائن دبئی چوک گدھا گاڑی اسٹاپ کے قریب سے مبینہ مقابلے کے بعد 2 زخمی سمیت 3 ڈاکوؤں کو گرفتار کر لیا،گرفتار ملزمان کے 3 ساتھی پولیس پر فائرنگ کرتے ہوئے تنگ گلیوں میں فرار ہونے میں کامیاب ہوگئے، گرفتار ملزمان سے 3 پستول بمعہ ایمونیشن، موبائل فونز، نقدی اور دیگر مسروقہ سامان برآمد کر لیا۔

عزیز بھٹی پولیس نے ڈالمیا سیمنٹ فیکٹری کے قریب مبینہ مقابلے کے بعد ایک ڈاکو کو زخمی حالت میں گرفتار کر لیا،ملزم سے ایک پستول بمعہ ایمونیشن، موبائل فون اور نقدی برآمد کی گئی۔ گرفتار ملزم کا ایک ساتھی موقع سے فرار ہونے میں کامیاب ہوگیا۔

آئی ایم ایف کا پاکستان کیساتھ اسٹاف لیول معاہدے کے لیے گرین سگنل کا عندیہ