وفاقی وزیرریلوے شیخ رشید احمد نے کہاہے کہ عمران خان کی حکومت اپوزیشن کی گیارہ جماعتوں کے جلسوں سے نہیں جائےگی ۔جو بیانیہ فوج کے خلاف دیا اس سے انہیں کچھ بھی نہیں ملے گا،عمران خان کہیں نہیں جا رہے حکومت اپنی مدت پوری کرے گی ان خیالات کا اظہار انھوں نے جمعرات کو ریلوے ریسٹ ہاؤس کوئٹہ میں ڈپٹی سپیکر قومی اسمبلی قاسم خان سوری کے ہمراہ پریس کانفرنس سے خطاب کرتے ہوئے کیا۔
وفاقی وزیر ریلوے شیخ رشید احمد نے کہا کہ ووٹ کوعزت دینے کی باتیں کرنے والے ووٹرز کو کورنا کی طرف دھکیل رہے ییں۔جس طرح اپوزیشن چلے گی حکومت بھی ویسی ہی ان کے ساتھ چلے گی۔اپوزیشن وزیر اعظم عمران خان کا کچھ نہیں بگاڑسکتے حکومت 5 سال پورے کرے گی اورلندن کی سیاست کیانتیجہ نکلتاہے اللہ ہی جانتاہے،شیخ رشید احمد نے کہاکہ پاکستان کی فوج عظیم ہےاورسپہ سالار بھی عظیم ہے ۔ جو ملک کی حفاظت کے ہرطرح کی قربانی دے رہے ہیں ۔ان کاکہناتھاکہ دنیا جس بحران سے گزررہی ہےچھوٹی جنگ بھی ہوچکی ہے،پاکستان اسرائیل کو تسلیم نہیں کیااورناہی پاسپورٹ میں اسرائیل کانام شامل ہے،مودی کی پالسی کی وجہ سےبھارت ہندواسیٹ بن گیا۔ وہاں کوئی بھی اور کسی مذہب کے لوگ محفوظ نہیں ہیں ۔ ایک سوال کے جواب میں وفاقی وزیر ریلوے شیخ رشید احمد نے کہاکہ سیاست میں کھبی ڈائیلاگ کے دروازے بند نہیں ہوتے ۔
قبل ازیں انہوں نے کوئٹہ چمن جانےوالی پسنجر ٹرین کو نجی شعبے کے حوالے کرنے کااعلان کرتے ہوئے کہاکہ تمام ڈھانچہ محکمے کا ہوگااور صرف نجی شعبے میں اس کو بہتر انداز میں جائے گا۔ جلدہی افغانستان کے سرحدی علاقے سپین بولدک تک ریلوے ٹریک بچھانی جائے گی اور قندہارتک لائن بچھانے کو تیارہیں ہماری جانب سے کام مکمل ہے صرف کابل حکومت کے اقدام کا انتظارہے ۔انھوں نے کہا کہ بلوچستان کے علاقے ہرنائی میں ریلوے ٹریک پر کام مکمل ہوچکاہے سیکورٹی وجوہات کی وجہ سے ٹرین نہیں چلارہے ہیں ۔ جبکہ گوادر ٹریک پر بھی کام جاری ہے۔
وفاقی وزیر ریلوے شیخ رشید احمد نے کہاکہ چمن سے سپن بولدک تک ریلوے ٹریک بچھایا جا رہا ہے ، گریڈ 1سے 4 تک کے تمام پنشنرز کے واجبات ادا کر دیے گئے ہیں،انہوں نے کہا کہ اپوزیشن جماعتیں کہتی ہیں کہ ووٹ کو عزت دو ووٹر کو دھکا دو،وزیر اعظم عمران خان کہیں نہیں جا رہے. وہ پانچ سالہ مدت پوری کریں گے،شیخ رشید نے کہا کہ اپوزیشن کی جانب سے پاک فوج کے خلاف جو بیانیہ استعمال کیا، یہ گانٹھیں دانتوں سے کھولنی پڑیں گی،اپوزیشن جماعتوں کی سیاست ختم ہو چکی ہے،
صحافی کے ایک سوال کے جواب میں انہوں نے کہا کہ عالمی تنازعات بڑھتے جارہے ہیں 2021 میں ممالک کے درمیان چھوٹی موٹی جنگ ہو سکتی ہے، اس موقع پر دپٹی سپیکر قومی اسمبلی قاسم سوری نے کہاکہ کوئٹہ میں بھی کراچی کی طرز پر لوکل ٹرین چلائی جائے کیونکہ آبادی بڑھ گئی ہےاور شہر بہت پھیل چکاہے ۔
