حدیقہ کیانی کا تُرک فنکاروں کے ساتھ مل کر شہدائے کشمیر کو خراج عقیدت پیش

پاکستان میوزک انڈسٹری کی عالمی شہرت یافتہ گلوکارہ حدیقہ کیانی نے تُرک فنکاروں کے ساتھ مل کر شہدائے کشمیر کو خراج عقیدت پیش کیا ہے۔

باغی ٹی وی : 13جولائی یوم شہدائے کشمیر کے موقع پر حدیقہ کیانی نے تُرک فنکار علی ٹولگا ڈیمرٹاس اور ٹورگی ایورین کے ساتھ مل کر شہدائے کشمیر کو خراج عقیدت پیش کیا ہے۔

حدیقہ کیانی اور تُرک فنکاروں کا یہ گانا تین مختلف زبانوں میں جاری کیا گیا ہے جن میں اُردو، ترکش اور کشمیری زبان شامل ہے جبکہ گانے کا دورانیہ 3 منٹ 37 سیکنڈز ہے۔

گانے کی ویڈیو میں شہدائے کشمیر کی تصاویر اور مقبوضہ کشمیر میں جاری بھارتی فوج کے مظالم کو دکھایا گیا ہے۔

انسٹا گرام اسٹوری سکرین شاٹ
حدیقہ کیانی نے سماجی رابطے کی ویب سائٹ انسٹاگرام کی اسٹوری میں گانے کی لنک شیئر کی ہے۔

اس سے قبل حدیقہ کیانی نے انسٹاگرام پر گانے کی ایک جھلک شیئر کرتے ہوئے مداحوں کو اپنے گانے سے آگاہ کیا تھا-
https://www.instagram.com/p/CCi2VcCs655/?igshid=1f32loeug7sp3

حدیقہ کیانی نے لکھا تھا کہ 13جولائی یوم شہدائے کشمیر کے موقع پر میرا گانا ریلیز کیا جائے گا جو میں نے ترک فنکاروں کے ساتھ مل کر تیار کیا ہے۔

گلوکارہ نے بتایا تھا کہ یہ گانا اُردو، ترکش اور کشمیری زبان میں تیار کیا گیا ہے اور میں جلد ہی اس نئے گانے کا لنک پوسٹ کروں گی۔

اُنہوں نے کشمیریوں کے لیے دُعا کرتے ہوئے لکھا تھا کہ میری دُعا ہے کہ کشمیری عوام آزادی، امن اور سکون سے رہیں۔

جواب چھوڑیں

آپ کا ای میل ایڈریس شائع نہیں کیا جائے گا.