حفیظ سنٹر آتشزدگی ، وزیراعلی پنجاب نے انتظامیہ سے رپورٹ بھی طلب کرلی

حفیظ سنٹر آتشزدگی ، وزیراعلی پنجاب نے انتظامیہ سے رپورٹ بھی طلب کرلی

باغی ٹی وی : وزیراعلی پنجاب سردار عثمان بزدار نے حفیظ سنٹر لاہور میں آتشزدگی کے واقعہ کی تحقیقات کا حکم دے دیا ہے، وزیراعلی پنجاب نے انتظامیہ سے رپورٹ بھی طلب کرلی۔

وزیراعلی پنجاب عثمان بزدار نے حفیظ سنٹر میں آتشزدگی پر قابو پانے کیلئے تمام وسائل بروئے کار لانے کی ہدایت کرتے ہوئے کہا کہ انتظامیہ اور ریسکیو 1122 آگ پر قابو پانے کیلئے تمام تر ضروری اقدامات اٹھائیں۔

پلازے میں آتش زدگی ریسکیو 1122 آگ بجھانے میں ‌مصروف


عثمان بزدار نے کہا کہ پھنسے ہوئے افراد کو بحفاظت نکالنا پہلی ترجیح ہے۔ انتظامی افسران اور ریسکیو 1122 کے حکام موقع پر پہنچیں، وزیراعلی نے کہاکہ چھت پر موجود افراد کو سب سے پہلے ریسکیو کیا جائے۔

آگ پلازے کی دوسری منزل پرصبح 6 بجے لگی جس نے دیکھتے ہی دیکھتے پلازے کے بڑے حصے کو لپیٹ میں لے لیا۔ ابتدائی اندازے کے مطابق 50 سے 60 دکانیں جل کر خاکستر ہو گئیں۔ ذرائع کے مطابق آگ بجھانے والی گاڑیاں 2 گھنٹے تاخیر سے پہنچیں۔

پلازے میں واقع دکانوں میں موبائل فون، کمپیوٹر سمیت الیکٹرانکس سامان موجود ہے جو آگ کی شدت بڑھانے کا سبب بن رہا ہے جبکہ پلازے کی چھت پر پڑے ڈیزل کے ڈرم جو جنریٹرز کیلئے استعمال ہوتے ہیں، نے بھی آگ پکڑ لی۔ ریسکیو کی 12 گاڑیاں اور ایک اسنارکل آگ بجھانے کے عمل میں مصروف ہیں تاہم 3 گھنٹے گزرنے کے باوجود آگ کی شدت پر قابو نہیں پایا جا سکا

جواب چھوڑیں

آپ کا ای میل ایڈریس شائع نہیں کیا جائے گا.