حافظ آباد (خبرنگارشمائلہ) تھانہ کسیسے کی حدود میں ولیکی گاؤں میں ایک انتہائی افسوسناک اور دل دہلا دینے والا واقعہ پیش آیا جہاں درندہ صفت انسان خالق شیر ولد امتیاز احمد نے تین سالہ مناہل کے ساتھ بدفعلی کی۔
واقعہ کی اطلاع ملتے ہی ڈی پی او حافظ آباد عاطف نزیر نے سخت نوٹس لیتے ہوئے ایس ایچ او تھانہ کسیسے کو فوری ملزم کی گرفتاری کا حکم دیا۔ جس پر کارروائی کرتے ہوئے ایس ایچ او نے ملزم کے خلاف مقدمہ نمبر 116/25 درج کیا اور ملزم کو 1 گھنٹے کے اندر اندر روایتی و تکنیکی طریقہ اپناتے ہوئے گرفتار کرلیا۔
ڈی پی او حافظ آباد نے ملزم کی فوری گرفتاری پر پولیس ٹیم کو شاباش دی اور واضح کیا کہ ایسے سفاک مجرموں کو قانون کے مطابق سخت سے سخت سزا دلوائی جائے گی تاکہ آئندہ کوئی بھی درندہ صفت انسان ایسا گھناؤنا فعل کرنے کی جرات نہ کر سکے۔
