حافظ محمد سعید کیخلاف مقدمات،روزانہ کی بنیاد پر سماعت جاری

0
25

حافظ محمد سعید کیخلاف مقدمات،روزانہ کی بنیاد پر سماعت جاری

باغی ٹی وی کی رپورٹ کے مطابق انسداد دہشت گردی کی عدالت نے حافظ محمد سعید کیس کی سماعت23جنوری تک کیلئے ملتوی کر دی ہے۔

سوموار کے دن انسداد دہشت گردی کی عدالت نمبر 1کے جج ارشد حسین بھٹہ کی عدالت میں پروفیسر حافظ محمد سعیداور پروفیسر ظفر اقبال کے خلاف کیس کی سماعت ہوئی۔اس موقع پر عدالت نے استغاثہ کو حتمی بحث کیلئے مزید وقت دیتے ہوئے کیس کی سماعت23جنوری جمعرات تک کیلئے ملتوی کر دی ہے۔

قبل ازیں پروفیسر حافظ عبدالرحمن مکی، پروفیسر ظفر اقبال، محمد اشرف اور یحییٰ مجاہد کے خلاف انسداد دہشت گردی کی عدالت نمبر 2 کے جج محمد اقبال کے روبرو بھی کیس کی سماعت ہوئی۔ مذکورہ کیس کی سماعت بھی 23 جنوری تک کے لئے ملتوی کی گئی ہے۔ حافظ محمد سعید و دیگر رہنماؤں کو سخت سکیورٹی میں عدالت پیش کیا گیا۔

واضح رہے کہ لاہور اور گوجرانوالہ سی ٹی ڈی کی طرف سے درج مقدمات کے سلسلہ میں عدالت میں پیش کئے گئے گواہوں کے بیانات پر جرح مکمل ہو چکی ہے اور اب حتمی بحث مکمل ہونے پر فیصلہ سنایا جائے گا،

Leave a reply