حافظ آباد ،باغی ٹی وی(خبرنگارشمائلہ) گھریلو جھگڑا خونی تصادم میں تبدیل، شوہر نے بیوی اور سالے کو گولی مار دی
تفصیلات کے مطابق حافظ آباد کے علاقے جلال پور روڈ محلہ رشید پورہ میں ایک افسوسناک واقعہ پیش آیا جہاں گھریلو جھگڑے کے نتیجے میں ناصر علی نامی شخص نے اپنی بیوی ماریہ ظفر کو گولی مار کر قتل کر دیا۔بتایاگیا ہے کہ ناصر علی اور ماریہ ظفر کے درمیان تلخ کلامی ہوئی جس نے شدت اختیار کر لی۔ غصے میں آکر ناصر علی نے فائرنگ کر دی جس سے ماریہ ظفر موقع پر ہی جاں بحق ہو گئیں۔
اس کے علاوہ ناصر علی نے اپنے سالے ثمن اقبال پر بھی فائرنگ کی جس سے وہ شدید زخمی ہو گئے۔ ثمن اقبال کو فوری طور پر ٹراما سینٹر حافظ آباد منتقل کیا گیا جہاں ان کی حالت نازک بتائی جاتی ہے۔
واقعے کی اطلاع ملتے ہی پولیس موقع پر پہنچ گئی اور ملزم ناصر علی کو گرفتار کر لیا۔ پولیس نے واقعے کی تحقیقات شروع کر دی ہیں
