حافظ آباد ، باغی ٹی وی(خبر نگارشمائلہ) حافظ آباد میں کسوکی پولیس اور ڈکیتی میں ملوث ملزمان کے درمیان مقابلہ ہوا۔ ترجمان پولیس کے مطابق موٹر سائیکل سوار ملزمان کڑاڑی علاقہ تھانہ کسوکی کے قریب ڈکیتی کرکے فرار ہو رہے تھے۔
پولیس نے ملزمان کا تعاقب کیا تو ڈاکوؤں نے پولیس پر فائرنگ کردی، جس کے جواب میں پولیس نے بھی فائرنگ کی۔ فائرنگ کے تبادلے میں ایک ملزم سلیمان ولد خالد ہلاک ہوگیا۔ ترجمان پولیس کے مطابق ہلاک ملزم ڈکیت گینگ کا اہم رکن تھا اور ڈکیتی کی متعدد وارداتوں میں مطلوب تھا۔
پولیس مقابلے میں زخمی ڈاکو سلیمان کو فوری طور پر ٹراما سینٹر منتقل کیا گیا، جہاں ڈاکٹروں نے اس کی ہلاکت کی تصدیق کر دی۔ ترجمان پولیس نے بتایا کہ ہلاک اشتہاری ملزم سلیمان ولد خالد ڈکیتی کی متعدد وارداتوں میں مطلوب تھا۔
پولیس ترجمان کے مطابق فرار ساتھیوں کی گرفتاری کے لیے چھاپے مارے جا رہے ہیں۔
