رحیم یار خان حج آپریشن کا جائزہ اجلاس

اسسٹنٹ کمشنر چوہدری اعتزاز انجم کی زیر صدارت ضلع میں حج اپریشن کے انتظامات کا جائزہ لینے کے لئے اجلاس منعقد ہوا۔جس میں ڈائریکٹر حج ملتان امتیاز علی شاہ، ڈسٹرکٹ معلم مسعود بن جمال، سی ای او ہیلتھ اتھارٹی ڈاکٹر سخاوت علی رندھاوا سمیت ائیر پورٹ منیجر، ائیر پورٹ سیکورٹی فورس ودیگر متعلقہ اداروں کے افسران نے شرکت کی۔اجلاس مین حج اپریشن سے قبل عازمین حج کی تربیت اور ویکسی نیشن، سیکورٹی و دیگر امور کا جائزہ لیا گیا۔اسسٹنٹ کمشنر نے کہا کہ ذمہ داری کے ساتھ ساتھ عازمین حج کی خدمت بڑی سعادت ہے جس کے لیے ضلعی انتظامیہ ڈائریکٹر حج کے ساتھ مل کر فول پروف انتظامات کو یقینی بنائے گی۔انہوں نے کہا کہ اس سلسلہ میں عازمین حج کو سہولیات کی فراہمی سمیت ٹریفک کنٹرول، سیکورٹی و دیگر امور کو یقینی بنایا جائے گا۔ڈائریکٹر حج امتیاز علی شاہ نے بتایا کہ 20جولائی سے عازمین حج کی ویکسی نیشن، 25جولائی سے پاسپورٹ کی ویری فکیشن اور 27جولائی کو پہلی حج پرواز شیخ زید انٹر نیشنل ائیر پورٹ سے عازمین حج کو لیکر روانہ ہو گی۔انہوں نے عازمین حج کی تربیت کے حوالہ سے مناسب جگہ کی فراہمی سمیت دیگر امور بارے شرکاء کو آگاہ کیا۔