حج آرگنائزرزایسوسی ایشن آف پاکستان کا اجلاس،کرپشن روکنے کے لئے بڑا اعلان

حج آرگنائزرزایسوسی ایشن آف پاکستان کا اجلاس،کرپشن روکنے کے لئے بڑا اعلان

باغی ٹی وی کی رپورٹ کے مطابق حج آرگنائزرزایسوسی ایشن آف پاکستان (ہوپ) اسلام آباد زون کے الیکشن کیلئے فائونڈرگروپ نے امیدواروں کااعلان کردیا۔

عرفان رشید، انصراقبال اورغلام ربانی اسلام آباد زون سے الیکشن لڑیں گے۔ متبادل امیدواروں میں نصیب اللہ جان، اخلاق احمدخان اورغیاث ملک شامل ہیں۔ فائونڈرگروپ کامشاورتی اجلاس پیٹرن انچیف مولانا بشیراحمد کی زیرصدارت منعقدہوا جس میں راولپنڈی اسلام آباد سے تعلق رکھنے والے حج ٹورآپریٹرز کی بڑی تعداد نے شرکت کی۔

اجلاس میں ایگزیکٹوممبران نے کارکردگی رپورٹ پیش کرتے ہوئے بتایاکہ رواں سال کورونا کے باعث حج آپریشن تو نہ ہوسکا تا ہم ہوپ کاقبلہ درست کرنے کیلئے اقدامات اٹھائے گئے اوراب آئندہ کسی قسم کی مالی کرپشن نہیں ہوسکے گی۔ احتساب کاعمل شروع ہوچکا ہے اورماضی میں فنڈز کابے دریغ استعمال کرنے والوں کوایک ایک پائی کاحساب لیاجائے گا۔

مشاورتی اجلاس سے محمدایوب عباسی، محمدامجدکیانی ایڈووکیٹ، محمداسماعیل قریشی، ڈاکٹرحسین احمد، ملک صدیق حیات، حاجی گلفرازخان، چیئرمین اسلام آبادزون قاضی محمدجمیل اورپیٹرن انچیف مولانا بشیراحمد نے خطاب کیا۔