حکومت نے تمام ٹی وی چینلز کو فیصل آباد ریلی نہ دکھانے کی ہدایت کی ہے، مریم نواز کا دعویٰ

پاکستان مسلم لیگ ن کی نائب صدر مریم نواز نے کہا ہے کہ کل میری پریس ٹاک دکھانے پر جیو نیوز بند کر دیا گیا۔ آج تمام چینلز کو فیصل آباد ریلی نا دکھانے کی ہدایات (دھمکی پڑھا جائے) جاری کی گئی ہیں۔ نالائقو! یہ انفارمیشن ٹیکنالوجی کا دور ہے اور اس میں ایسے ہتھکنڈے استعمال کر کے آپ اپنی شکست کا اعتراف تو کر سکتے ہیں، کوریج نہیں روک سکتے!


باغی ٹی وی کی رپورٹ کے مطابق مریم نواز نے سوشل میڈیا سائٹ ٹویٹر پر اپنے پیغام میں کہا ہے کہ نواز شریف کے خوف نے فیصل آباد کو کنٹینر آباد میں بدل دیا! اقتدار سے پہلے بھی کنٹینر، بعد میں بھی کنٹینر !


مریم نواز نے ایک اور ٹویٹ میں کہا کہ شیر کا خوف گیدڑوں کی جان لے کے رہے گا! واضح رہے کہ مریم نواز نے آج فیصل آباد میں ریلی نکالنے کا اعلان کر رکھا ہے اور ان کا کہنا ہے کہ وہ فیصل آباد ہر صورت آئیں گی.

جواب چھوڑیں

آپ کا ای میل ایڈریس شائع نہیں کیا جائے گا.