قومی اسمبلی اجلاس، حکومتی رکن اسمبلی اپنی ہی حکومت کیخلاف پھٹ پڑے، اہم خبر

قومی اسمبلی اجلاس میں حکومتی رکن نور عالم خان اپنی ہی حکومت پر برس پڑے،

باغی ٹی وی کی رپورٹ کے مطابق نور عالم خان نے قومی اسمبلی میں اظہار خیال کرتے ہوئے کہا کہ غریب کاشت کاروں کی بات کوئی نہیں کرتا ، اسپیکر صاحب بیک بینچرزکو بھی موقع دیا کریں ہم فرنٹ بینچز کی باتیں سننے کیلیے نہیں آتے، غریب کےلیے روٹی مہنگی کردی گئی ، وہ کیسے گزارا کریں، کوئی ہم سے کہے کہ خاموش رہیں خدا کی قسم چپ نہیں رہیں گے ، ایسی دس سیٹیں قربان، وزیرخزانہ کو بلائیں ہم ان سے وضاحت لیں گے غریب پر ایسا ظلم کیوں کررہےہیں؟

حکومتی رکن اسمبلی نور عالم خان نے کہاکہ احتساب صحیح کریں بے شک 50 سال پرانے کھاتوں سے کریں، دو تین بندوں کا کرنا ہے تو اس احتساب کو بند کردیں ، کھاد200 روپے مہنگی ہوگئی، بجلی، گیس، روٹی کیوں مہنگی کردی گئی؟ یہاں چینی والے صنعتکاروں کیلیے آواز اٹھائی جاتی ہے، غریب کیلیے کیوں نہیں ، وزیر خزانہ کو بلائیں ان سے پوچھیں گے کہ آئی ایم ایف سے کیا معاہدہ ہوا ،