fbpx

حکومت کا عیدالفطر پر 2 اسپیشل ٹرینیں چلانے کا فیصلہ

پاکستان ریلویز نے عید الفطر کے پرُمسرت موقع پر 2 اسپیشل ٹرینیں چلانے کا فیصلہ کیا ہے۔

باغی ٹی وی : ریلوے حکام کے مطابق ایک خصوصی ٹرین کراچی سے لاہور اور دوسری کراچی سے پشاور کے لیے چلائی جائیگی۔حکام کے مطابق پہلی خصوصی ٹرین 29 اپریل کو ڈھائی بجے سٹی اسٹیشن سے پشاور کے لیے روانہ ہوگی-

کراچی سے پشاور روانہ ہونے والی عید اسپیشل ٹرین 14 کوچز پر مشتمل ہوگی اور تمام کوچز اکانومی کلاس ہوں گی کراچی سے پشاور روانہ ہونے والی عید اسپیشل ٹرین میں 1000 مسافروں کے بیٹھنے کی گنجائش ہوگی۔

پشاورکے لیے 29 اپریل کو روانہ ہونے والی پہلی اسپشل ٹرین کراچی کینٹ لانڈھی حیدرآباد نوابشاہ روہڑی خانپور بہاولپو،ملتان ،خانیوال، شورکوٹ کینٹ،ٹوبہ ٹیک سنگھ،گوجرہ،فیصل آباد،چک جھمرہ،چنیوٹ،چناب نگر،شاہین آباد،سرگودھا،ملکوال،منڈی بہا الدین،لالہ موسی ،جہلم ،روالپنڈی،ٹیکسلا کینٹ،اٹک سٹی،نوشہرہ پشاور سٹی سے ہوتے ہوئے 30 اپریل کو رات 11:00 بجے پشاور پہنچے گی-

ذاتی اخراجات پرجدہ آیا ہوں نہ تو پہلےکبھی سفارتخانے سے کوئی سہولت حاصل کی نہ اب کروں گا،حسین نواز

جبکہ دوسری عید اسپیشل ٹرین30 اپریل کو کراچی سے لاہور کے لیے شام 7 بج کر 45 منٹ پر کراچی کینٹ سے روانہ ہوگی کراچی سے لاہور روانہ ہونے والی عید اسپیشل ٹرین میں 2 اے سی بزنس ،2 اے سی اسٹینڈرڈ اور 10 اکانومی کلاس کی کوچز شامل ہوں گی۔

کراچی سے لاہور روانہ ہونے والی عید اسپیشل ٹرین میں 986 مسافروں کے بیٹھنے کی گنجائش ہوگی۔

لاہور کے لئے 30 اپریل کو روانہ ہونے والی دوسری اسپیشل ٹرین لانڈھی،حیدرآباد،نواب شاہ،روہڑی،صادق آباد،رحیم یار خان،خانپور ، بہاو لپور ،ملتان کینٹ،خانیوال،میاں چنوں،چیچہ وطنی،سابیوال،اوکاڑہ ،پتوکی،رائیونڈ ،کوٹ لکھپت سے ہوتے ہوئے یکم مئی کو دوپہر03:30 پر لاہور پہنچے گی۔

کراچی سےلاپتہ تیسری لڑکی کا نکاح نامہ بھی سامنے آگیا