fbpx

حکومت نذیر چوہان کوخود باغی کر رہی ہے جہانگیرترین

تحریک انصاف کے رہنما نذیر چوہان کی گرفتاری پر جہانگیرترین خود میدان میں آ گئے ہیں –

باغی ٹی وی :۔تفصیلات کے مطابق جہانگیر ترین نے بیان جاری کرتے ہوئے کہا کہ نذیر چوہان کو حکومت خود باغی کر رہی ہے میر اکوئی گروپ نہیں ہے میرے خلاف پراپیگنڈہ کیا گیا –

جہانگیر ترین نے کہا کہ نذیر چوہان کی گرفتاری سے تشویش بڑھ رہی ہے پارٹی کے ساتھ ہمیشہ مخلص ہو کر چلا لیکن مجھے ٹارگٹ کیا گیا ۔

یاد رہے کہ دو روز قبل ریس کورس پولیس نے نذیر چوہان کو شہزاد اکبر کی شکایت کے بعد حراست میں لیا تھا ، بعدازاں انہیں عدالت پیش کیا گیا جہاں ان کی ضمانت منظور ہو گئی اور انہیں رہا کرنے کا حکم دیدیا گیا ۔

گزشتہ روز شہزاد اکبر کی ہی شکایت پر ایف آئی اے کے سائبر کرائم ونگ نے نذیر چوہان کو ایک مرتبہ پھر سے حراست میں لے لیا ہے-