مسائل سے نجات کا حل پی ٹی آئی حکومت کا خاتمہ ہے بلاول، حکومت پر پرچے کا وقت آ چکا ہے کیپٹن ر صفدر

0
35

چیئرمین پیپلزپارٹی بلاول بھٹو کا کہنا ہے کہ گیس سمیت دیگر مسائل سے نجات کا حل پی ٹی آئی حکومت کا خاتمہ ہے۔

باغی ٹی وی :ملک میں گیس کی قلت پر اظہار تشویش کرتے ہوئے انہوں کا کہنا ےہ کہ گیس نہ ہونے سے عوام کے گھروں کے چولہے ٹھنڈے ہو گئے جب کہ وزرا گیس بحران حل کرنے کے بجائے مناظروں کے چیلنج میں مصروف ہیں عمران خان عوام کے لیے مشکلات پیدا کررہے ہیں گیس سمیت دیگر مسائل سے نجات کا حل پی ٹی آئی حکومت کا خاتمہ ہے۔

انہوں نے کہا کہ حکومت بروقت ایل این جی منگوا لیتی تو یوں گیس کی قلت نہ ہوتی، پاک ایران گیس پائپ لائن منصوبے کومکمل کرلیا جاتا تو توانائی بحران کا سامنا نہ ہوتا عمران خان نے گیس کی قیمتوں میں سینکڑوں فیصد اضافہ کیا، مہنگی گیس بھی عوام کی پہنچ سے دور کردی۔

دوسری جانب مسلم لیگ ن کے رہنما کیپٹن ریٹائرڈ صفدر نے کہا ہے کہ حکومت پر پرچے کا وقت آ چکا ہے اپنے بیان میں انہوں نے کہا کہ مجھ پر 19 کیسز ہیں،بہادری سے مقابلہ کروں گا، یہ الیکشن نہیں لاہور کی گلیوں میں لوگوں کو آگاہی دوں گا ہم نوازشریف کے ساتھ کھڑے ہیں۔

Leave a reply