حکومت سیلاب سے متاثرہ افراد کی بحالی کیلئے دن رات کوشاں ہے،عبدالقادر پٹیل
وفاقی وزیربرائے قومی صحت عبدالقادر پٹیل نے کہا ہے کہ حکومت سیلاب سے متاثرہ افراد کی بحالی کیلئے دن رات کوشاں ہے، پاکستان کی تاریخ میں سیلاب کے نتیجے میں پہلے اتنی کبھی تباہی نہیں ہوئی ہے۔ وزارت صحت سے جاری بیان کے مطابق ان خیالات کااظہار وفاقی وزیر نے سویٹزرلینڈ کے سفیرجارج سٹینرسے گفتگو کرتےہوئے کیا جنہوں نے جمعہ کو یہاں ان سے ملاقات کی۔ ملاقات میں صحت کے شعبے اور دوطرفہ باہمی دلچسپی کے امور پر تبادلہ خیال کیاگیا۔ ملاقات میں پاکستان میں سیلاب کے نتیجے میں ہونیوالی تباہی کی موجودہ صورت حال کا بھی جائزہ لیا گیا۔
وفاقی وزیر عبدالقادر پٹیل نے کہاکہ سیلاب کی تباہی سے 33 ملین افراد متاثر ہوئے اور ملک کا ایک تہائی حصہ پانی کی زد میں تھا۔ پاکستان کی تاریخ سیلاب کے نتیجے میں پہلے اتنی کبھی تباہی نہیں ہوئی ہے۔سیلاب سے متاثرہ افراد کی بحالی کیلئے حکومت دن رات کوشاں ہے۔
مزید یہ بھی پڑھیں؛
اعظم سواتی کی ضمانت کی درخواست پر فیصلہ 19 دسمبر تک موخر
حکومت ملک بھر میں نوجوانوں کو 50 ارب روپے کے قرض دے گی مگر کیسے؟
16 دسمبر دہشت گردی کے خلاف پورے پاکستان کے ایک آواز ہونے کا دن ہے. وزیراعظم
ایلون مسک نے سی این این، نیویارک ٹائمز اور واشنگٹن پوسٹ کے صحافیوں کے اکاونٹس معطل کردئیے
ملاقات میں سویٹزرلینڈ کے سفیرجارج سٹینر نے کہا کہ سیلاب متاثرین کی بحالی کیلئے سویٹزرلینڈ کی حکومت پاکستان کے ساتھ بھر پور تعاون کر رہی ہے۔مشکل کی اس گھڑی میں ہم سیلاب متاثرین کے ساتھ کھڑے ہیں۔ وزیر صحت عبدالقادر پٹیل نے سویٹزرلینڈ کی حکومت کا خصوصی شکریہ ادا کیا ۔ سویٹزرلینڈ کے سفیر فروری میں سوئٹزرلینڈ میں ہونے والی پیشنٹ سیفٹی کانفرنس کی وزیر صحت کو دعوت دی ۔
