ہم اپنے خطاطوں کو قدرکی نگاہ سے دیکھتے ہیں، فرخ حبیب

وفاقی وزیر مملکت فرخ حبیب نے کہا ہے کہ میں ایرانی سفارت خانہ میں اسلا می خطاطی کی نمائش کرنے پر شکر گزار ہوں، ہمارے خطاطوں نے بہت ہی خوبصورت انداز میں اس کو دکھایا ہے، اسلامی خطاط کو زندہ رکھنے والوں کا شکریہ ادا کرتا ہوں، انہوں نے نا صرف اسلامی خطاطی کو زندہ رکھا ہوا ہے، بلکہ اس کو دنیا کے سامنے نمایاں کررہے ہیں، میں چاہتا ہوں کہ ہہ فن نا صرف ملکی سطح پر ہو، بلکہ اس کو بین الاقوامی سطح تک بھی اجاگر کریں.

فرخ حبیب نے مزید کہا ہے کہ انہوں نے قرآنی آیات کی خطاطی کا خوب صورت شاہکار بنایا ہے، میں اسے بہت قابل تحسین سمجھتا ہوں، احسان خزائی کا بہت شکر گزار ہوں، انہوں نے بھی اس میں اپنا تعاون کیا ہے، آج وہ خود اس تقریب کا حصہ ہیں، ہمارے اس قسم کے جتنے بھی آرٹسٹ ہیں، ہمارے اس قسم کے جتنے بھی مصنف ہیں، خطاط ہیں، حکومت پاکستان ان کو قدر کی نگاہ سے دیکھتی ہے، انکی خدمات کو خراج تحسین پیش کرتی ہے، ان کی ہر طرح سے حکومت کی جانب سے، آرٹ کونسل کی جانب سے اور متعلقہ اداروں کی جانب سے ان کی حوصلہ افزائی کو ہم جاری رکھیں گے، ملک پاکستان اللہ ک بہت بڑی نعمت ہے، برصغیر کے مسلمانوں کیلئے ایک آزاد ریاست، قائداعظم کی قیادت میں ہمارے آبا ؤ اجداد نے بے پناہ قربانیاں دی ہیں.