حماس کی جانب سے چار مزید اسرائیلی یرغمالی خواتین کو رہا کردیا گیا، حماس نے یرغمالی خواتین کو ریڈ کراس کے حوالے کیا، چاروں اسرائیلی یرغمالیوں نے فوجی وردی پہن رکھی ہے۔
رہا کی جانے والی فوجی یرغمالی خواتین کے نام کارینا اریئیو، ڈینیئلا گلبوہ، نعما لیوی، اور لیری الباگ ہیں اور یہ سب ایک فوجی یونٹ کی رکن تھیں، 7 اکتوبر 2023 کو حماس کے اسرائیل پر حملے کے وقت یہ چاروں اسرائیلی فوج کی خواتین سپاہی غزہ کے قریب تعینات تھیں۔ چار اسرائیلی یرغمالیوں کی تصاویر پہلی بار سامنے آئی ہیں،یہ تمام چار خواتین فوجی یونیفارم میں ملبوس ہیں اور ان کے گرد مسلح حماس کے جنگجو ہیں۔ ان خواتین کو ریڈ کراس کے حوالے کیا گیا جو انہیں سرحدوں تک لے جائیں گی جہاں انہیں اسرائیلی فوج کے حوالے کیا جائے گا۔
حماس نے ایک بیان میں کہا ہے کہ آج اسرائیل کی طرف سے رہا ہونے والے 200 فلسطینی قیدیوں میں سے 70 کو غزہ اور مغربی کنارے سے باہر منتقل کر دیا جائے گا۔
آج کی یرغمالیوں کی رہائی پچھلے ہفتے تین اسرائیلی یرغمالیوں کی ان کے خاندانوں سے ملاقات کے بعد ہو رہی ہے۔ اس وقت اسرائیل نے 90 فلسطینی قیدیوں کو رہا کیا تھا۔غزہ میں ایک ہنگامہ خیز ہجوم کے درمیان، اسرائیلی یرغمالیوں کو مسلح نقاب پوش افراد نے ریڈ کراس کے حوالے کیا، جہاں سے انہیں اسرائیلی فوج کے حوالے کر دیا گیا اور وہ جنوبی اسرائیل میں داخل ہوئے۔
قبل ازیں گزشتہ ہفتے حماس کے ہاتھوں رہائی پانے والی تین یرغمالیوں میں سے ایک، 28 سالہ برطانوی اسرائیلی ایمیلی ڈاماری تھی، جو 7 اکتوبر کے حملے کے دوران ہاتھ پر گولی لگنے کے بعد غزہ لے جائی گئی تھی۔دوسری دو یرغمالیوں میں 31 سالہ ڈورون اسٹینبریچر شامل ہیں، جو اسرائیل کے جنوبی علاقے کے کیبوتز کفار عزا سے اغوا ہوئے تھے، اور 24 سالہ رومی گونن، جو سپرنووا میوزک فیسٹیول سے اغوا کی گئی تھیں۔یہ تینوں ابھی ہسپتال میں علاج کروا رہی ہیں۔ ایمیلی ڈاماری نے رہائی کے چند گھنٹے بعد سوشل میڈیا پر اپنے خاندان اور اپنے "دنیا کے بہترین دوستوں” کا شکریہ ادا کیا۔
وزیرِ اعظم نے سنوکر چیمپئن محمد آصف کو دیا 25 لاکھ کا انعام
بختاور زرداری کتنے برس کی ہو گئیں؟ سالگرہ پر مبارکباد کے پیغام
