گورنر سندھ عمران اسماعیل نے مزار قائد پر حاضری دی ہے، اس موقع پر انہوں نے کہا ہے کہ آج پاکستان کو آزادی کے 74 سال مکمل ہوگئے ہیں، ان 74 سالوں میں ہم کئی بار لڑ کھڑائے بھی ہیں، لڑے بھی ہیں، جیتے بھی ہیں، ہم نے ہار بھی دیکھی ہے، وزیراعظم عمران کہتے ہیں کہ جو ہار مان لیتا ہے وہ ہارتا ہے، جو لڑنا جانتا ہے وہ قومیں دوبارہ اٹھ کھڑی ہوتی ہیں، پھر سے اپنی جنگ کا آغاز کرتی ہیں، ایسی لڑائی جس میں ہم اپنی ترقی کیلئے لڑیں.
وزیرِ اعلیٰ مراد علی شاہ نے مزار قائد پر حاضری دی ہے، اس موقع پر انہوں نے کہا ہے کہ ہمارے بڑوں نے قربانیاں دے کر ہمارا پیارا ملک بنایا ہے، ان کو خراج عقیدت پیش کرتا ہوں، ان کے بتائے ہوئے اصولوں پر تلقین کرنے کیلئے آئے ہیں، قائداعظم کے فرمان، ایمان، اتحاد اور تنظیم، متحد ہونا ہماری اشد ضرورت ہے، ہمیں اندرونی اور بیرونی خطرات کا سامنا ہے، ہمیں متحد ہونے کی ضرورت ہے، ہمارے ملک سمیت دنیا کے اندر کرونا کی وباء پھیلی ہوئی ہے، اس سے مقابلہ کرنے کیلئے، جو خطرات ہمارے مشرقی اور مغربی بارڈر پر ہیں ان سے مقابلہ کرنے کیلئے، جو صورتحال عالمی سطح پر بنی ہوئی ہے، یہاں پر ہم اپنے آپ کو ایک مشکل صورتحال میں دیکھتے ہیں، ان سب کا مقابلہ کرنے کیلئے ہم سب کو متحد ہونا ہوگا.