سعد فاروق
بھارت نے گزشتہ رات ایک بار پھر پاکستان پر حملے کا دعویٰ کیا، تاہم سیکیورٹی ذرائع نے ان دعوؤں کو من گھڑت اور جھوٹا پروپیگنڈا قرار دیا ہے۔
باغی ٹی وی کے مطابق ذرائع کا کہنا ہے کہ بھارتی میڈیا اور صحافیوں کو بعد میں اپنی جھوٹی خبروں پر معذرت بھی کرنا پڑی۔سیکیورٹی ذرائع کے مطابق پاکستان کی طرف سے امرتسر یا سری نگر پر کوئی حملہ نہیں کیا گیا، بلکہ چار پروجیکٹائل بھارت کی جانب سے فائر کیے گئے، جن میں سے تین امرتسر میں گرے۔ اس واقعے پر پاکستان کا کوئی کردار ثابت نہیں ہوتا۔
ذرائع نے مزید کہا کہ بھارت نے جو الزامات پاکستان پر عائد کیے، ان کے حق میں کوئی ثبوت فراہم نہیں کیا گیا۔ بھارتی حکومت صرف اپنے عوام کو گمراہ کرنے کے لیے میڈیا کو جھوٹے دعوے نشر کرنے پر مجبور کر رہی ہے۔سیکیورٹی حکام کے مطابق خود بھارتی صحافی بھی میڈیا میں جاری ان بے بنیاد خبروں سے پریشان ہیں، کیونکہ زیادہ تر خبریں حکومتی ذرائع سے پلاننگ کے تحت لیک کی جاتی ہیں۔
سیکیورٹی ذرائع نے واضح کیا کہ اگر پاکستان نے کسی بھی قسم کا ردعمل دینا ہوا، تو وہ کبھی سویلین آبادی کو نشانہ نہیں بنائے گا۔ پاکستان کی دفاعی حکمتِ عملی صرف دشمن کے فوجی اہداف تک محدود رہے گی۔
پاکستان کا خوف،بھارت نے 28 ایئرپورٹس کی بندش 15 مئی تک بڑھا دی
پاک بحریہ کسی بھی بھارتی مہم جوئی کا مقابلہ کرنے کو تیار
