fbpx

حمزہ شہبازکی حلف برداری کے احکامات کیخلاف اپیلیں، سماعت کا تحریری فیصلہ آگیا

لاہور:حمزہ شہبازکی حلف برداری کے احکامات کیخلاف اپیلیں ،اطلاعات کے مطابق لاہور ہائیکورٹ نے حمزہ شہباز کی حلف برداری کے احکامات کے خلاف اپیلوں پر سماعت کا تحریری فیصلہ جاری کردیا۔

تفصیلات کے مطابق لاہورہائی کورٹ کے پانچ رکنی بنچ نے 12 مئی کی سماعت کا تحریری فیصلہ جاری کیا۔

عدالتی تحریری فیصلے میں کہا گیا کہ اپیل کی سماعت کے دوران حمزہ شہباز کی طرف سے کوئی پیش نہیں ہوا۔ انصاف کے تقاضوں کے لیے حمزہ شہباز کو دوبارہ نوٹس جاری کر دیے گئے۔

لاہور ہائی کورٹ نے تحریری فیصلیے میں کہا کہ حمزہ شہباز کی جانب سے پیش ہونے کا حتمی موقع ہے۔ تحریک انصاف کے وکیل کو اپیل اور بیان حلفی میں ضروری ترمیم کرنے کی اجازت دے دی گئی۔

عدالت نے تحریری فیصلے میں یہ بھی کہا کہ ایڈووکیٹ جنرل پنجاب کو تحریری جواب دینے اور ایڈیشنل اٹارنی جنرل کو اٹارنی جنرل سے ہدایات کیلئے مہلت دے دی گئی۔

گذشتہ سماعت کے دوران عدالتِ عالیہ نے سبطین خان سمیت تمام اراکین اسمبلی کوترمیم شدہ بیان حلفی پیش کرنے اور انٹرا کورٹ اپیلوں میں ترامیم کا حکم دیا تھا۔

لاہورہائیکورٹ میں نئے وزیراعلی کے حلف کیخلاف انٹرا کورٹ اپیلوں سے متعلق کیس میں اظہرصدیق ایڈووکیٹ نے انٹرا کورٹ اپیلوں میں الفاظ، پیرا گراف کی تبدیلی اور بیان حلفی تبدیل کرنے کیلئے عدالت سے وقت مانگا تھا۔