ہر ڈویژن میں ایک عالمی معیار کی یونیورسٹی بنائی جائے گی، صوبائی وزیر ہائر ایجوکیشن

صوبائی وزیر ہائر ایجوکیشن راجہ یاسر ہمایوں سرفراز کی زیرصدارت منسٹر بلاک میں اجلاس ہوا ہے جس میں‌ یونیورسٹی آف جھنگ سینڈیکیٹ اجلاس میں وائس چانسلر ڈاکٹر شاہد منیر، چیئرمین پنجاب ہائر ایجوکیشن کمیشن ڈاکٹر فضل احمد خالد، ایڈیشنل سیکرٹری طارق حمید بھٹی و دیگر نے شرکت کی،

باغی ٹی وی کی رپورٹ کے مطابق صوبائی وزیر ہائر ایجوکیشن راجہ یاسر کا کہنا تھا کہ تمام سرکاری جامعات کے معاملات کو یکساں چارٹر کے تحت چلایا جائے گا، کالجز کامتعلقہ اضلاع کی جامعات کے ساتھ ہی الحاق ہو سکے گا،

اجلاس میں پانچ ایجنڈا آئٹمز کی منظوری دی گئی، نئی پالیسی کے تحت سرکاری یونیورسٹی کے سب کیمپسز کا انتظام متعلقہ ڈسٹرکٹ یونیورسٹی ہی دیکھے گی، صوبے کے کالجز کامتعلقہ اضلاع کی جامعات کے ساتھ ہی الحاق ہو سکے گا، ہر ڈویژن میں ایک عالمی معیار کی یونیور سٹی بنائی جائے گی، رواں سال صوبے کے چھ اضلاع میں نئی جامعات بنانے جا رہی ہے جس کے لئے بجٹ میں فنڈز مختص کردیئے گئے ہیں، کمیونیٹی کالجز میں جاب مارکیٹ کو مد نظر رکھ کر مختلف مضامین میں دو سالہ ایسوسی ایٹ ڈگری دی جائے گی،