fbpx

افغانستان میں ہر حال میں ایک جامع حکومت بنائی جائے گی طالبان رہنماعبدالقہار بلخی

طالبان کلچرل کمیشن رہنما عبدالقہار بلخی کا کہنا ہے کہ ہر حال میں ایک جامع حکومت بنائی جائے گی جس تیزی سے حالات بدلے وہ سب کیلیے حیران کن تھا ہمارا کابل میں داخل ہونے کا ارادہ نہیں تھا-

باغی ٹی وی : عرب خبر رساں ادارے الجزیرہ سے خصوصی انٹرویو کے دوران طالبان رہنما عبدالقہار بلخی نے بتایا کہ مذاکرات جاری ہیں ہر حال میں ایک جامع حکومت بنائی جائے گی امریکہ سے بھی بات چیت جاری ہے-


انہوں نے کہا کہ سیکیورٹی انتظامات کے حوالے سے امریکہ کے ساتھ تعلقات ہیں بیرونی چیک پوسٹس ہمارے پاس ہیں جبکہ اندرونی چیک پوسٹس امریکہ کے کنٹرول میں ہیں دونوں آپس میں مسلسل رابطے میں ہیں-

افغانستان میں مغربی ممالک کیلئےکام کرنےوالےافغانوں کوترکی میں پناہ نہیں دےسکتے ترک صدر

عبدالقہار بلخی نے کہا کہ لوگ جس طرح کابل ائیر پورٹ پر جمع ہو رہے ہیں انتہائی افسوسناک ہے چونکہ ہم نے عام معافی کا اعلان کیا ہے سینئیر آفیسرز سے ملاز م تک میرا خیال تھا کہ حالات قابو میں رہیں گے لیکن لوگوں میں خوف اور افراتفری کی یہ صورتحال ہماری توقع کے برعکس ہے

طالبان رہنما نے کہا کہ جس تیزی سے حالات بدلے وہ سب کیلئے حیران کن تھا ہمارا کابل میں داخل ہونے کا ارادہ نہیں تھا کیونکہ ہم سیاسی حل کے حامی تھے جامع اور مشترکہ حکومت قائم کرنا چاہتے تھے –

عبدالقہار بلخی کے مطابق لیکن جب ہم کابل میں داخل ہوئے تو سکیورٹی فورسز نے ہتھیار ڈال دیئے اور حکمران ملک چھوڑ کر بھاگ گئے تو ہمیں مجبوراً انتظامات سنبھالنے پڑے انٹر افغان مذاکرات کا مقصد شہریوں کے حقوق کا خلاصہ کرنا ہے-

امر اللہ صالح کا پنجشیر کے قریب طالبان کو بھاری نقصان پہنچانے کا دعویٰ