حرمین شریفین کو خطرہ لاحق ہوا تو پاکستان سعودی عرب کے ساتھ ہو گا، شاہ محمود قریشی کا دوٹوک اعلان

پاکستانی وزیر خارجہ شاہ محمود قریشی نے کہا ہے کہ حرمین شریفین کی حرمت کوخطرہ ہوا تو پاکستان سعودی عرب کا ساتھ دےگا، پاکستان کاامن واستحکام سعودی عرب کےامن واستحکام سےمنسلک ہے. سعودی ولی عہدنے 2107 قیدیوں کی رہائی پرپاکستانیوں کےدل جیت لئے.

باغی ٹی وی کی رپورٹ کے مطابق او آئی سی وزرائے خارجہ کونسل اجلاس کے موقع پر شاہ محمود قریشی اور سعودی وزیر خارجہ ڈاکٹر ابراہیم بن عبدالعزیز العساف سے خصوصی ملاقات ہوئی ہے جس میں خطے کی صورتحال اورباہمی دلچسپی کے امورپرتبادلہ خیال کیا گیا.
شاہ محمود قریشی نے او آئی سی سربراہ اجلاس کی میزبانی پر سعودی وزیر خارجہ کو مبارک باد پیش کی۔ اس ملاقات میں‌ دو طرفہ تعلقات، خطے کی صورت حال اور باہمی دلچسپی کے امور پر تبادلہ خیال کیا گیا.

سعودی وزیر مملکت برائے امور خارجہ نے او آئی سی کی وزرائے خارجہ کونسل کے اجلاس میں پاکستانی وزیر خارجہ شاہ محمود قریشی کے شریک ہونے پر ان کا شکریہ ادا کیا اور پاکستانی کمیونٹی کو درپیش مسائل کے جلد حل کے لیے ہر ممکن تعاون کی یقین دہانی کرائی۔وزیر خارجہ نے پاکستانیوں کے لیے حج کوٹے کو دو لاکھ تک بڑھانے پر بھی سعودی ہم منصب کا شکریہ ادا کیا۔

ملاقات کے دوران شاہ محمود قریشی نے کہا کہ سعودی ولی عہد شہزادہ محمد بن سلمان کے دورے نے پاکستانیوں کے دلوں میں گہرے ان مٹ نقوش چھوڑے ہیں. خاص طور پر ان کے پاکستانی قیدیوں کی رہائی کے اعلان نے لوگوں‌ کے دل جیت لیے۔ شاہ محمود نے گزارش کی کہ قیدیوں کی جلد رہائی کے لیے اقدامات کیے جائیں۔

یاد رہے کہ مکہ مکرمہ میں‌ اہم اسلامی سربراہی کانفرنس ہو رہی ہے جس میں‌ پاکستانی وزیر اعظم عمران خان کی بھی شرکت متوقع ہے. اس کانفرنس میں‌ مسلم ممالک باہم مل بیٹھ کر آئندہ کے متفقہ لائحہ عمل کا اعلان کریں‌گے. مکہ مکرمہ کو اس سلسلہ میں‌مسلم‌‌‌‌‌ملکوں‌کے جھنڈوں اور خیر مقدمی بینروں‌سے سجایا گیا ہے.

جواب چھوڑیں

آپ کا ای میل ایڈریس شائع نہیں کیا جائے گا.