گلوکار ہارون نے لاک ڈاؤن میں خاموشی سے شادی کر لی

پاکستان میوزک انڈسٹری کے نامور گلوکار ہارون نے بھی دیگر فنکاروں کی طرح لاک ڈاؤن میں خاموشی سے شادی کرلی۔

باغی ٹی وی : پاکستان میوزک انڈستری کے نامور گلوکار 47 ہارون نے فروا نامی لڑکی سے شادی کی، شادی کی تقریب کا اہتمام اسلام آباد میں گھر میں ہی سادگی سے کیا گیا جس میں قریبی رشتہ داروں نے شرکت کی۔


شادی کی تقریب میں دولہا دلہن نے ایک رنگ کا لباس زیب تن کیا ہارون نےسفید کُرتے پاجامے کے اوپر گولڈن ویسٹ کوٹ زیب تن کیا جبکہ دلہن فروا نے گولڈن وائٹ میکسی نما فراک کا انتخاب کیا۔ دلہن نے میک اپ میں بھی سادگی ہی اختیار کی اور جیولری بھی پھولوں کی ہی پہنی۔


شادی کی تصاویر سوشل میڈیا پر وائرل ہونے پر ہارون کے مداحوں کی جانب سے بڑی تعداد میں مبارکباد کے پیغامات دئیے جارہے ہیں اور آنے والی زندگی کیلئے نیک تمناؤں کا اظہار کیا جارہا ہے۔

اس سے قبل لاک ڈاؤن میں مارچ میں احد رضا میر اور سجل علی شادی کے بندھن میں بندھے ، سینئیر اداکارہ ثمینہ احمد اور اداکار منظر صہبائی نے4 اپریل کو شادی کی مئی کے اختتام پر صدف کنول اور شہروز سبز واری نے شادی کی ،جمعتہ الوداع کے مبارک دن اداکارہ حنا الطاف اور آغا علی نکاح کے بندھن میں بندھے۔ اداکارہ نمرہ خان نے اپنے بچپن کے دوست افتحار احمد سے سادگی سے شادی کی اور 29 مئی کو اداکارہ فریال محمود اور دانیال محمود نے بھی سادگی سے نکاح کیا-

صدف کنول سے صدف سبزواری تک کا سفر

 

لاک ڈاؤن کے دوران رشتہ ازدواج میں منسلک ہونے والے فنکار

شوبز انڈسٹری کی ایک اور جوڑی قرنطینہ میں شادی کے بندھن میں بندھ گئی

 

سجل علی اور احد رضا میر رشتہ ازدواج میں منسلک ہو گئے

جواب چھوڑیں

آپ کا ای میل ایڈریس شائع نہیں کیا جائے گا.