fbpx

پرنس ہیری اور میگھن کورونا آگاہی اور اقدامات سے متعلق کانسرٹ میں شرکت کریں گے

برطانوی شہزادہ ہیری اور انکی اہلیہ میگھن مارکل کورونا سے متعلق آگاہی اور اقدامات کے حوالے سے منعقد کئے گئے کنسرٹ میں شریک ہوں گے۔

باغی ٹی وی :کورونا سے متعلق آگاہی اور اقدامات کے حوالے سے دنیا بھر میں شوبز اور دیگر مشہور شخصیات کافی سرگرم ہیں اب اسی طرح کے ایک کانسرٹ میں برطانوی شہزادہ ہیری اور انکی اہلیہ میگھن مارکل بھی شریک ہوں گی۔

غیر ملکی میڈیا کے مطابق 8 مئی سےشروع ہونے والے کانسرٹ میں مشہور امریکی گلوکارہ سلینا گومز،جینیفر لوپیز اور اداکار بین ایفلک سمیت دیگر شوبز شخصیات شرکت کریں گے۔

ہیری اور میگھن کی جانب سے جاری ہونے والے بیان میں کہا گیا ہے کہ ایک سال کے دوران دنیا نے درد، نقصان اور جدوجہد کا سامنا کیا ہے۔ اب ہمیں ایک ساتھ اس سےصحت یاب ہونے کی ضرورت ہے۔ہم کسی کو بھی پیچھے نہیں چھوڑ سکتے۔

ہیری اور میگھن نے مزید کہا کہ جب ہر جگہ ہر شخص کو ویکسین دستیاب ہوگی تو ہم سب مستفید اور محفوظ ہوں گے۔ ہمیں برابری کی بنیاد پر ویکسین فراہم کرنی چاہیے۔

جواب چھوڑیں

آپ کا ای میل ایڈریس شائع نہیں کیا جائے گا.